1Anto ámi, t'un anglo mi ta den sabana di Sharon,
un leli di vaye.
Mucha hòmber2Sí, un leli meimei di bringamosa,
t'asina e dushi di mi ta
kompará ku e otro mucha muhénan.
Mucha muhé3Un palu di apel entre palunan di mondi
t'asina mi amor ta
kompará ku e otro mucha hòmbernan.
Mi tin gana di sinta den su sombra!
Esta dushi su fruta ta smak!
4El a hiba mi su bodega,
kaminda su bandera ta bula,
bandera ku ‘Amor’ riba dje.
5Hasi lihé, bola di rasenchi mi ke,
pa bolbe duna mi kurpa energia
i apel pa sasia mi set,
pasobra amor ta mata mi.
6Su brasa robes ta bou 'i mi kabes,
esun drechi ta primi mi den su kurpa.
Mucha hòmber7O, damitanan di Herusalèm,
mi ke supliká boso ku insistensia
na nòmber di gasela- i binánan den kunuku;
no lanta stimashon,
no provok'é,
promé ku e mes ke tum'aden.Mucha muhé
8Skucha! Ta mi amor!
Wak! At'é ta bini!
E ta bula pasa den serunan,
belenkiá den seritunan.
9Mi amor parse gasela o yu di biná!
Wak, at'é pará tra'i muraya di nos kas,
e ta wak dor di bentana,
lur den yalusí.
10Awor e ta papia ku mi:
‘Ban mira, dushi di mi,
mi prenda, ban ku mi!
11Djis wak afó, wenter a pasa,
awa a stòp di kai,
el a bai un biahe di zjil!
12Kunuku ta yen di flor atrobe,
ta temporada ku tur kos ta kanta,
rukukú di tòrteldùif ta zona den kunuku.
13Ya e promé figonan ta hecha na palu,
mata di wendrùif ta tapá ku flor,
esta dushi holó!
Ban mira, dushi di mi,
mi prenda, ban ku mi!
14Mi palomita,
skondí den kibrá di baranka,
den bo hòl na altu den lomba di seru,
laga mi mira bo figura,
esta un enkanto e ta;
laga mi tende bo stèm,
esta dushi e ta!’
(E mama)15Gara e zoronan pa nos,
e bestianan chikitu ei,
ku ta destruí nos hòfinan di wendrùif,
nèt awor ku nan ta na flor!
Mucha muhé16Mi amor ta di mi
i ami ta di dje,
di esun ku ta gosa barika yen
meimei dje lelinan.
17Ora brisa di anochi trese freskura
i sombranan rèk, bira largu,
bini bèk, mi amor.
Na kareda manera gasela,
manera yu 'i biná riba serunan di Beter.
Who We AreWhat We EelieveWhat We Do
2025 by iamachristian.org,Inc All rights reserved.
