1SEÑOR, skucha mi orashon!
Skucha mi pidimentu, kontestá mi,
pasobra Bo ta fiel, Bo ta hustu.
2No pone bo sirbiente duna kuenta,
Bo dilanti ningun hende no ta limpi.
3Sí, un enemigu a persiguí mi,
el a machiká mi na suela,
el a manda mi bai biba den tiniebla,
manera esnan ku a muri hopi tempu.
4Mi ta serka di pèrdè speransa,
mi paden ta tur sobresaltá.
5Mi ta kòrda e dianan di ántes,
mi ta pensa riba tur loke B'a hasi,
Bo obranan ta semper mi dilanti.
6Mi ta alsa mi mannan na Bo,
mi tin set di Bo manera tera seku.
7Skucha mi lihé, SEÑOR!
Mi forsa ta serka di kaba.
No kita bo bista fo'i mi,
pa mi no bira manera tur esnan
ku ya a baha den pos di morto.
8Mustra mi tur mainta bo bondat,
ta den Bo mi ta buta mi konfiansa.
Mustra mi kua kaminda mi por sigui,
den bo man mi ta entregá henter mi bida.
9SEÑOR, libra mi for di man di mi enemigunan,
serka Bo mi ta buska refugio.
10Siña mi hasi tur lokual ta agradá Bo,
Abo ku mi tin pa mi Dios!
Mare bo bon spiritu por guia mi
riba tereno lizu.
11SEÑOR, keda fiel na bo nòmber:
Abo tene mi na bida;
Bo ta hustu, pues libra mi di mi ansha.
12Den bo bondat, destruí mi enemigunan,
kaba ku esnan ku ta buska mi pa mata,
ami ku ta bo sirbidó!
Who We AreWhat We EelieveWhat We Do
2025 by iamachristian.org,Inc All rights reserved.
