Ezekiel 37 - Papiamentu Bible 2013(PB13)

E Israel morto ta bolbe biba

1SEÑOR a poderá di mi. Su spiritu a bai ku mi i a pone mi den un vaye yen di wesu.

2El a laga mi kana rondó di nan, tur kaminda den e vaye. Mashá hopi wesu mes tabata plamá tur kaminda; nan tabata seku seku.

3El a puntra mi: ‘Hende, e wesunan akí lo por a biba atrobe?’ Mi a kontestá: ‘SEÑOR, Dios, esei ta Bo so por sa!’

4E ora ei El a bisa: ‘Profetisá kontra e wesunan akí; bisa nan: Wesu sekunan, skucha loke SEÑOR ta bisa.

5Esaki Ami, SEÑOR, Dios, ta bisa: Lo Mi duna boso rosea di bida, boso lo biba atrobe.

6Lo Mi tapa boso ku kabuya di múskulo i karni, fura boso ku kueru i duna boso rosea di bida. Asina boso lo biba atrobe i rekonosé ku t'Ami ta SEÑOR.’

7Mi a profetisá manera a enkargá mi. I asina mi a kuminsá, por a tende un zonido: e wesunan a kuminsá move i a pega na otro, kada un na su lugá.

8Mi a mira kon nan a keda tapá ku kabuya di múskulo i karni, i a keda furá ku kueru. Pero ainda no tabatin bida den nan.

9E ora ei El a bisa mi: ‘Papia ku rosea di bida, hende, profetisá i bisa rosea di bida: Esaki ta loke SEÑOR, mi Dios, ta bisa: Bin for di e kuater direkshonnan di bientu i supla den e kurpanan matá akí, di manera ku nan ta biba atrobe.’

10Mi a profetisá manera a enkargá mi i rosea di bida a drenta nan. Nan a biba atrobe i a lanta para; i purifiká nan. Nan lo ta mi pueblo i Ami nan Dios.

24I mi sirbidó David lo ta rei riba nan: ún wardadó pa tur karné.Ezekiel 34:24 E ora ei nan lo kumpli ku mi mandamentunan i tene nan kuidadosamente na mi leinan.

25Nan i tambe nan yunan i nan ñetunan lo biba pa semper den e pais ku Mi a duna mi sirbidó Yakob, aya kaminda nan antepasadonan tambe a biba. Mi sirbidó David lo ta pa semper nan gobernadó.

26Lo Mi sera un aliansa ku nan ku ta trese pas pa nan, un aliansa pa semper. Lo Mi laga nan biba einan i hasi nan numeroso i pone mi santuario pa semper meimei di nan.

27Serka nan lo Mi biba; Ami lo ta nan Dios i nan lo ta mi pueblo.2 Korintionan 6:16; Revelashon 21:3

28Si mi santuario ta pa semper meimei di nan, e otro pueblonan lo rekonosé ku t'Ami ta SEÑOR, ku a konsagrá Israel n'E.’