1SEÑOR a ordená Moises
2pa bisa henter komunidat di Israel lo siguiente:
‘Sea santu, pasobra Ami, SEÑOR boso Dios, ta santu..
20Si un hòmber tene relashon seksual ku un katibu muhé ku ta komprometé ku un otro hòmber, pero ainda no ta kumprá liber ni ta poné den libertat, e mester paga daño i perhuisio; no ta kondená nan na morto, pasobra e muhé no ta un muhé liber.
21E hòmber mester hiba un chubatu di karné na entrada di tènt di enkuentro pa ofresé Mi e komo sakrifisio di debe.
22Saserdote ta ofresé e chubatu i, Mi dilanti, e ta drecha tur kos entre e hòmber i Ami; e ora ei e hòmber ta haña pordon di e piká ku el a hasi.
23Ora boso ta na e pais Kanaan i boso planta tur sorto di palu di fruta, konsiderá e frutanan impuru durante tres aña, no kome nan.
24Tur fruta ku e palunan produsí e di kuater aña, boso mester konsagrá na Mi durante un fiesta di alabansa.
25For di e di sinku aña boso por kome e frutanan. Si boso hasi asina, boso kosechanan lo bira mas grandi. Ami ta SEÑOR, boso Dios.
26Boso no mag kome karni di bestia ku sanger aden.Génesis 9:4; Levítiko 7:26-27; 17:10-14; Deuteronomio 12:16,23; 15:23 No mira destino pa hende, ni hasi bruheria.Deuteronomio 18:10
27Den tempu di rou boso no mag kòrta e kabei na banda di boso kabes ni feita na rant di boso barba,
28ni marka ni tatuá boso kurpaLevítiko 21:5; Deuteronomio 14:1 komo señal di rou. Ami ta SEÑOR.
29No deshonrá boso yu muhénan pone nan bira prostituta,Deuteronomio 23:17 pa prostitushon no plama den henter e pais i e pais kai den kompleto inmoralidat.
30Warda sosiegu di sabat i komportá ku rèspèt ora boso ta den mi santuario. Ami ta SEÑOR.Levítiko 26:2
31No buska na ningun manera kontakto ku spiritu di defuntu òf ku montadó,Deuteronomio 18:11; 1 Samuel 28:3; 2 Reinan 23:4; Isaías 8:19 pa boso no bira impuru. Ami ta SEÑOR, boso Dios.
32Lanta pa hende grandi i demostrá nan rèspèt. Asina boso ta demostrá ku boso ta respetá Mi. Ami ta SEÑOR.
33Ora un strañero bin biba den boso pais, no trat'é malu.
34Al kontrario, trat'é manera boso ta trata boso mes hendenan. Stim'é manera bo mes. Kòrda ku boso tambe a biba manera strañero na Egipto.Éksodo 22:21; Deuteronomio 24:17-18; 27:19 Ami ta SEÑOR, boso Dios.
35No kònkel ku peso, ni ku midí di midi largura i di midi kapasidat.
36Usa balansa, peso i midí eksakto.Deuteronomio 25:13-16; Proverbionan 20:10; Ezekiel 45:10; Amos 8:5; Mikéas 6:11 Ami ta SEÑOR, boso Dios, ku a saka boso for di Egipto.
37Sòru pa boso kumpli ku tur mi leinan i reglanan. Ami ta SEÑOR.’
Who We AreWhat We EelieveWhat We Do
2025 by iamachristian.org,Inc All rights reserved.