Salmo 114 - Papiamentu Bible 2013(PB13)

SALMO 114E milager di Israel su salida fo'i Egipto

1Ora Israel a sali fo'i Egipto,

ora famia di Yakob a bai laga

e pueblo ku su lenga bruhá,

2Huda a bira SEÑOR su santuario,

Israel a bira su dominio.

3Mirando esei Laman Kòrá a hui

i riu di Yordan a hala bai;

4serunan a bula manera karné,

seritunan manera yu 'i kabritu.

5Kiko a pasa, laman, ku bo a hui,

abo, Yordan, ku bo a hala bai?

6ku boso, serunan, a bula manera karné,

boso, seritunan, manera yu 'i kabritu?

7Tera, tembla dilanti di SEÑOR,

den presensia di Dios di Yakob,

8E ku a kambia baranka na lagun

i piedra duru na fuente di awa.