1 Krónikanan 6 - Papiamentu Bible 2013(PB13)

E gransaserdotenan di tribu di Levi(Éksodo 6:16-27)

1Levi tabatin tres yu hòmber: Guershon, Kehat i Merari.

2Kehat tabatin kuater yu hòmber: Amram, Yishar, Hebron i Uziel.

3Amram tabatin dos yu hòmber: Aaron i Moises i un yu muhé, Miriam.

Aaron tabatin kuater yu hòmber: Nadab, Abihu, Eleazar i Itamar.

4-9Desendientenan di Eleazar di tata pa yu tabata:

Pinhas, Abishúa, Buki, Uzi,

Zeraías, Merayot, Amarías, Ahitub,

Sadok, Ahimaas, Azarías, Yohanan

10i Azarías, ku tabata e promé saserdote den e tèmpel ku Salomon a traha na Herusalèm.

11-14Despues di Azarías a sigui: Amarías, Ahitub, Sadok, Shalum,

Hilkías, Azarías, Seraías i Yosadak.

15Yosadak tabata un di e eksiliadonan tempu SEÑOR a laga Nebukadnèsar deportá poblashon di Huda i Herusalèm.

E otro desendientenan di Levi(Numbernan 3:17-20)

16Levi tabatin tres yu hòmber: Guershon, Kehat i Merari.

17Guershon tabata tata di Libni i Shimi;

18Kehat tabata tata di Amram, Yishar, Hebron i Uziel;

19Merari tabata tata di Magli i Mushi.

Esakinan tabata famianan di levita.

20Desendientenan di Guershon di tata pa yu ta: Libni, Yahat, Zima,

21Yoag, Ido, Zèrag i Yeatrai.

22Desendientenan di Kehat di tata pa yu ta: Aminadab, Korag, Asir,

23Elkana, Ebiasaf, Asir,

24Tahat, Uriel, Uzías i Saul.

25Elkana tabatin tres yu hòmber: Amasai, Ahimot i

26Elkana. Esaki su desendientenan di tata pa yu ta: Sofai, Nahat,

27Eliab, Yeroham, Elkana i Samuel.

28Samuel tabatin dos yu hòmber: Yoel, esun mayó, i Abías, esun di mas chikí.

29Desendientenan di Merari di tata pa yu ta: Magli, Libni, Shimi, Usa,

30Shima, Haguia i Asaías.

Tarea di e levitanan den santuario

31Despues ku e arka di aliansa a haña un lugá fiho den santuario, David a nombra un parti di e levitanan pa guia e kantamentu.

32Nan tabata para kanta dilanti di e tènt di enkuentro i tabata kumpli ku nan tarea di kantor segun e reglanan stipulá. Nan a sigui kanta einan te dia Salomon a traha e tèmpel na Herusalèm.

33Esun ku tabata hasi e trabou akí di tata pa yu tabata Heman, Asaf i Etam. Heman di famia di Kehat tabata lider di e promé grupo di kantor. E tabata yu di Yoel, ñetu di Samuel.

34Su otro antepasadonan tabata: Elkana, Yeroham, Eliel, Toag,

35Suf, Elkana, Mahat, Amasai,

36Elkana, Yoel, Azarías, Sofonías,

37Tahat, Asir, Ebiasaf, Korag,

38Yishar, Kehat, Levi i Israel.

39Na man drechi di Heman tabatin Asaf, lider di e di dos grupo di kantor. E tabata yu di Bèrèkías i ñetu di Shima.

40Su otro antepasadonan tabata: Mikael, Baaseas, Malkías,

41Etni, Zèrag, Adaías,

42Etan, Zima, Shimi,

43Yahat, Guershon i Levi.

44Na man robes di Heman tabatin Etan di famia Merari, e tabata lider di e di tres grupo. E tabata yu di Kishi i ñetu di Abdi. Su otro antepasadonan tabata: Maluk,

45Hashabías, Amasías, Hilkías,

46Amsi, Bani, Shèmèr,

47Magli, Mushi, Merari i Levi.

48E otro desendientenan di Levi mester a hasi tur sorto di trabou den e tènt sagrado, santuario di Dios.

49Pero solamente Aaron i su desendientenan direkto, e saserdotenan, mester a sirbi na e altá di sakrifisio di kandela i e altá di sensia. Tambe nan mester a hasi trabou relashoná ku e lugá santísimo i dirigí e seremonianan di pidi pordon pa pikánan di Israel, tur kos presis manera Moises, e sirbidó di Dios, a ordená.

50E desendientenan di Aaron di tata pa yu ta: Eleazar, Pinhas, Abishúa,

51Buki, Uzi, Seraías,

52Merayot, Amarías, Ahitub,

53Sadok i Ahimaas.

Siudatnan di e levitanan(Yozue 21:1-42)

54Aki ta sigui un lista di tur e lugánan kaminda e desendientenan di Levi a haña un lugá di biba, despues ku e otro tribunan a tira lòt.

E promé lòt a kai riba e saserdotenan, desendiente di Aaron, ku tabata pertenesé na famia di Kehat.

55Nan a haña siudat Hebron ku e kunukunan di yerba rondó di dje den teritorio di Huda,

56pero e pueblonan i e kunukunan pa planta rondó di Hebron, nan a duna Kaleb, yu hòmber di Yefune.

57E desendientenan di Aaron a haña tambe fuera di siudat di asilo Hebron, e siguiente siudatnan ku nan kunukunan di yerba: Libna, Yatir, Eshtemoa,

58Hilen, Debir,

59Ashan i Bet-Shèmèsh.

60Den teritorio di Benhamin, nan a haña tambe: Gueba, Alemèt i Anatot ku nan kunukunan di yerba. Na tur e famia di Aaron a haña diestres siudat.

61E otro desendientenan di famia Kehat, ku tabata levita, a haña pa medio di tiramentu di lòt, dies siudat den teritorio di Manase ku ta keda wèst di Yordan.

62E desendientenan di famia di Guershon a haña diestres siudat den teritorio di Isakar, Asher, Naftali i e otro parti di Manase, ku yama Bashan i ku ta keda ost di Yordan.

63E desendientenan di famia di Merari a haña diesdos siudat den teritorio di Ruben, Gad i Zebulon.

64Asina pueblo di Israel a duna e levitanan e siudatnan ku nan kunukunan di yerba.

65E saserdotenan a haña pa medio di tiramentu di lòt e siudatnan ya menshoná den teritorio di e tribunan di Huda, Simeon i Benhamin.

66E otro miembronan di famia Kehat a haña algun siudat ku nan kunuku di yerba den teritorio di Efraim.

67E siudatnan akí tabata: Sihem, un siudat di asilo, situá den serunan di Efraim; tambe Guèzèr,

68Yokmeam, Bet-Horon,

69Ayalon i Gat-Rimon.

70E sobrá miembronan di famia Kehat tambe a haña e siudatnan Aner i Bileam ku nan kunuku den teritorio di Manase, wèst di Yordan.

71Famia Guershon a haña e siguiente siudatnan ku nan kunuku di yerba:

den teritorio di Manase, ost di Yordan: Golan den region di Bashan i Ashtarot;

72den teritorio di Isakar: Kèdèsh, Dabrat;

73Ramot i Anem;

74den teritorio di Asher: Mishal, Abdon,

75Hukok i Rehob;

76den teritorio di Naftali: Kèdèsh den Galilea, Hamon i Kiriataim.

77Sobrá miembronan di famia Merari a haña e siguiente siudatnan ku nan kunuku di yerba:

den teritorio di Zebulon: Rimon i Tabor;

78den teritorio di Ruben, parti ost di Yordan: Bèsèr, den mondi enfrente di Yériko, ademas Yahas,

79Kedemot i Mefaat;

80den teritorio di Gad: Ramot den Guilead, Mahanaim,

81Hèshbon i Yazer.