Salmo 122 - Papiamentu Bible 2013(PB13)

SALMO 122Resa pidi pas pa HerusalèmKantika di peregrinashon. Di David.

1Ki alegria, ora nan a bisa mi:

‘Ban kas di SEÑOR!’

2I awor, ata nos pará

paden di bo portanan, Herusalèm!

3Herusalèm, siudat bon konstruí

segun plan harmonioso:

4t'aya e tribunan ta subi,

tribunan di SEÑOR,

manera ta lei na Israel,

pa alabá SEÑOR su nòmber.

5Aya tin e tribunalnan di hustisia,

esnan di kas di David.

6Resa pidi pas pa Herusalèm:

‘Prosperidat pa nan ku ke bo;

7laga tin pas entre bo murayanan,

trankilidat den bo palasionan!’

8Pa amor di mi rumannan i amigunan

mi ta bisa: ‘Pas pa bo!’

9Kòrdando kas di SEÑOR, nos Dios:

‘Dios bendishoná bo!’