Salmo 20 - Papiamentu Bible 2013(PB13)

SALMO 20Trese viktoria pa rei, SEÑOR!Pa maestro di kanto. Salmo di David.

1Mare SEÑOR por skucha bo na ora di apuro.

Dios di Yakob, su nòmber protegé bo,

2manda bo ousilio for di su tèmpel

i duna bo sosten for di Seru di Sion.

3Ohalá E por kòrda riba tur bo ofrendanan,

apresiá bo sakrifisionan kimá riba altá.

4Mare E por kumpli ku bo íntimo deseonan

i laga tur bo plannan sali eksitoso.

5Anto nos por selebrá bo viktoria,

hisa bandera altu na laria

den nòmber di Esun ku ta nos Dios.

Ohalá SEÑOR por skucha bo orashon!

6Ya mi sa ku SEÑOR lo duna

viktoria na su rei ungí,

lo kontest'é fo'i su shelu santu,

lo kai aden ku su poder pa salb'é.

7Tin ku ta konfia den garoshi, den kabai,

ma nos den nòmber di SEÑOR, nos Dios.

8Ta nan lo trompeká i kai,

ma nos ta keda firme riba pia.

9SEÑOR, duna rei viktoria

i skucha nos dia nos yama Bo.