Salmo 29 - Papiamentu Bible 2013(PB13)

SALMO 29Bos poderoso di SEÑOR den tormentaSalmo di David.

1Duna SEÑOR, o yunan di Dios,

duna SEÑOR su gloria i poder.

2Duna su nòmber e gloria debí,

ador'É den su realse sagrado.

3Ata bos di SEÑOR riba awa!

Dios glorioso ta laga bos lora.

SEÑOR ta zona riba awanan inmenso.

4Bos di SEÑOR ta poderoso,

bos di SEÑOR ta mahestuoso,

5bos di SEÑOR ta kibra palunan di seder,

SEÑOR ta kibra asta sedernan di Libanon.

6El a pone serunan di Libanon

belenkiá manera bisé

i Seru di Sirion manera yu di búfalo.

7Bos di SEÑOR ta kòrta kandela,

8bos di SEÑOR ta pone mondinan trose,

SEÑOR ta sakudí mondi di Kadesh.

9SEÑOR su bos ta sakudí pal'i ekel

i ta ranka kaska fo'i tronkon.

Den su tèmpel tur ta grita: Gloria!

10SEÑOR ta manda riba awanan inmenso,

E ta manda komo Rei pa semper.

11SEÑOR ta duna su pueblo fortalesa,

SEÑOR ta dun'é pas i bendishon.