Salmo 6 - Papiamentu Bible 2013(PB13)

SALMO 6SEÑOR, mi ta kibrá, yuda miPa maestro di kanto. Ku instrumènt di kuèrdè. Na di ocho weis. Un salmo di David.

1SEÑOR, no kastigá mi den bo rabia,

ai, no suta mi den bo furia.

2Kompashon, SEÑOR! Mi no tin forsa mas,

SEÑOR, kura mi, mi kurpa ta habraká.

3Sí, mi paden ta tur sobresaltá!

Anto Abo, SEÑOR, — te ki dia?

4Bolbe, SEÑOR, salba mi bida,

libra mi, pasobra Bo ta bon.

5Ningun morto no ta kòrda riba Bo.

Ken ta alabá Bo den reino di morto?

6Mi ta agotá di keha tantu,

tur anochi mi ta yora riba kama,

mi ta muha mi kusinchi ku lágrima.

7Mi wowonan ta skur di fèrdrit,

nan ta kargá: ta mi opresornan su falta!

8Bai laga mi, hasidónan di maldat,

SEÑOR a tende mi ta yora.

9SEÑOR a skucha mi súplika,

SEÑOR a aseptá mi orashon.

10Ku kuantu bèrgwensa mi enemigunan

lo ta derotá, tur pareu!

Ohalá ku den ún fregá di wowo

nan por retirá di bèrgwensa!