MASALIMO 142 - Buku Lopatulika Bible 2014

Pemphero pakuopsedwa kwakukuluChilangizo cha Davide, muja anakhala m'phanga; Pemphero.

1Ndifuula nalo liu langa kwa Yehova;

ndi mau anga ndipemba kwa Yehova.

2 Yes. 26.16 Nditsanulira kudandaula kwanga pamaso pake;

ndionetsa msauko wanga pamaso pake.

3 Mas. 141.9 Pamene mzimu wanga unakomoka m'kati mwanga, munadziwa njira yanga.

M'njira ndiyendamo ananditchera msampha.

4 Mas. 31.11 Penyani kudzanja lamanja ndipo muone; palibe wondidziwa;

pothawirapo pandisowa; palibe mmodzi wosamalira moyo wanga.

5 Mas. 46.1 Ndinafuulira kwa inu, Yehova;

ndinati, Inu ndinu pothawirapo panga,

gawo langa m'dziko la amoyo.

6 Mas. 116.6 Tamverani kufuula kwanga; popeza ndisauka kwambiri;

ndilanditseni kwa iwo akundilondola; popeza andilaka.

7Tulutsani moyo wanga m'ndende, kuti ndiyamike dzina lanu;

olungama adzandizinga;

pakuti mudzandichitira zokoma.