MASALIMO 98 - Buku Lopatulika Bible 2014

Alemekeze Mulungu pa chifundo ndi choonadi chaoSalimo.

1 Eks. 15.11-12 Muimbireni Yehova nyimbo yatsopano;

popeza anachita zodabwitsa:

Dzanja lake lamanja, mkono wake woyera,

zinamchitira chipulumutso.

2 Yes. 52.10 Yehova anawadziwitsira chipulumutso chake;

anaonetsera chilungamo chake pamaso pa amitundu.

3 Mas. 50.3 Anakumbukira chifundo chake ndi chikhulupiriko chake

kunyumba ya Israele;

malekezero onse a dziko lapansi

anaona chipulumutso cha Mulungu wathu.

4 Mas. 95.1; Yes. 44.23 Fuulirani kwa Yehova, inu, dziko lonse lapansi;

kuwitsani ndi kufuulira mokondwera;

inde, imbirani zomlemekeza.

5Muimbireni Yehova zomlemekeza ndi zeze;

ndi zeze ndi mau a salimo.

6Fuulani pamaso pa Mfumu Yehova,

ndi mbetete ndi liu la lipenga.

7 Mas. 96.10-13 Nyanja ifuule ndi kudzala kwake;

dziko lokhalamo anthu ndi iwo okhalamo;

8mitsinje iombe manja;

mapiri afuule pamodzi mokondwera.

9Pamaso pa Yehova, popeza akudza kudzaweruza dziko lapansi;

adzaweruza dziko lokhalamo anthu ndi chilungamo,

ndipo mitundu ya anthu molunjika.