MASALIMO 65 - Buku Lopatulika Bible 2014

Davide alemekeza Mulungu pa madalitso ochulukaKwa Mkulu wa Nyimbo; Salimo la Davide. Nyimbo.

1 Mas. 50.14 M'Ziyoni akulemekezani Inu mwachete, Mulungu,

adzakuchitirani Inu chowindachi.

2 Yes. 66.23 Wakumva pemphero Inu,

zamoyo zonse zidzadza kwa Inu.

3 Mas. 51.2; Yes. 6.7; Aheb. 9.14 Mphulupulu zinandilaka;

koma mudzafafaniza zolakwa zathu.

4 Mas. 33.12; 36.8 Wodala munthuyo mumsankha, ndi kumyandikizitsa,

akhale m'mabwalo anu.

Tidzakhuta nazo zokoma za m'nyumba yanu,

za m'malo oyera a Kachisi wanu.

5 Mas. 22.27 Mudzatiyankha nazo zoopsa m'chilungamo,

Mulungu wa chipulumutso chathu;

ndinu chikhulupiriko cha malekezero onse a dziko lapansi,

ndi cha iwo okhala kutali kunyanja.

6Ndinu amene mukhazikitsa mapiri ndi mphamvu yanu;

pozingidwa nacho chilimbiko.

7 Yes. 17.12-13; Mat. 8.26 Amene atontholetsa kukuntha kwa nyanja,

kukuntha kwa mafunde ake,

ndi phokoso la mitundu ya anthu.

8Ndipo iwo akukhala kumalekezero adzachita mantha

chifukwa cha zizindikiro zanu;

mukondweretsa apo patulukira dzuwa, ndi apo lilowera.

9 Mas. 46.4 Mucheza nalo dziko lapansi, mulithirira,

mulilemeza kwambiri;

mtsinje wa Mulungu udzala nao madzi,

muwameretsera tirigu m'mene munakonzera nthaka.

10Mukhutitsa nthaka yake yolima;

mufafaniza nthumbira zake;

muiolowetsa ndi mvumbi;

mudalitsa mmera wake.

11Muveka chakachi ndi ukoma wanu;

ndipo mabande anu akukha zakucha.

12Akukha pa mabusa a m'chipululu;

ndipo mapiri azingika nacho chimwemwe.

13 Yes. 55.12 Podyetsa mpodzaza ndi zoweta;

ndipo zigwa zakutidwa ndi tirigu;

zifuula mokondwera, inde ziimbira.