MASALIMO 36 - Buku Lopatulika Bible 2014

Kuipitsitsa kwa anthu, kukometsetsa kwa MulunguKwa Mkulu wa Nyimbo. Salimo la Davide, mtumiki wa Yehova.

1 Aro. 3.18 Cholakwa cha woipayo chimati m'kati mwa mtima wanga,

palibe kuopa Mulungu pamaso pake.

2Pakuti adzidyoletsa yekha m'kuona kwake,

kuti anthu sadzachipeza choipa chake ndi kukwiya nacho.

3Mau a pakamwa pake ndiwo opanda pake ndi onyenga,

waleka kuzindikira ndi kuchita bwino.

4Alingirira zopanda pake pakama pake;

adziika panjira posati pabwino;

choipa saipidwa nacho.

5 Mas. 57.10 Yehova, m'mwamba muli chifundo chanu;

choonadi chanu chifikira kuthambo.

6Chilungamo chanu chikunga mapiri a Mulungu;

maweruzo anu akunga chozama chachikulu,

Yehova, musunga munthu ndi nyama.

7 Rut. 2.12; Mas. 91.4 Ha! Chifundo chanu, Mulungu, nchokondedwadi!

Ndipo ana a anthu athawira kumthunzi wa mapiko anu.

8 Mas. 65.4 Adzakhuta kwambiri ndi zonona za m'nyumba mwanu,

ndipo mudzawamwetsa mu mtsinje wa zokondweretsa zanu.

9 Yer. 2.13; Yoh. 1.9; 4.10, 14 Pakuti chitsime cha moyo chili ndi Inu,

M'kuunika kwanu tidzaona kuunika.

10 Yer. 22.16 Tanimphitsani chifundo chanu pa iwo akudziwa Inu;

ndi chilungamo chanu pa oongoka mtima.

11Phazi la akudzikuza lisandifikire ine,

ndi dzanja la oipa lisandichotse.

12Pomwepo padagwera ochita zopanda pake.

Anawalikha, ndipo sadzatha kuukanso.