MASALIMO 127 - Buku Lopatulika Bible 2014

Madalitso onse, a m'banja omwe, achokera kwa MulunguNyimbo yokwerera; ya Solomoni.

1 Mas. 121.3-5 Akapanda kumanga nyumba Yehova,

akuimanga agwiritsa ntchito chabe;

akapanda kusunga mudzi Yehova,

mlonda adikira chabe.

2 Gen. 3.17, 19 Kuli chabe kwa inu kulawirira mamawa ndi kusagonerapo madzulo,

kudya mkate wosautsa kuupeza;

kuli tero kuti izi apatsa okondedwa ake ngati m'tulo.

3 Gen. 33.5; Yos. 24.3 Taonani, ana ndiwo cholandira cha kwa Yehova;

chipatso cha m'mimba ndicho mphotho yake.

4Ana a ubwana wake wa munthu

akunga mivi m'dzanja lake la chiphona.

5 Miy. 27.11 Wodala munthu amene anadzaza nayo phodo lake:

sadzachita manyazi iwo,

pakulankhula nao adani kuchipata.