MASALIMO 32 - Buku Lopatulika Bible 2014

Mwai wa munthu amene Mulungu wamkhululukiraSalimo la Davide. Chilangizo.

1 Mas. 85.2-3; Aro. 4.6-8 Wodala munthuyo wokhululukidwa tchimo lake;

wokwiriridwa choipa chake.

2 Yob. 1.7 Wodala munthuyu Yehova samwerengera mphulupulu zake;

ndimo mumzimu mwake mulibe chinyengo.

3Pamene ndinakhala chete mafupa anga anakalamba

ndi kubuula kwanga tsiku lonse.

4 1Sam. 5.6-7 Chifukwa usana ndi usiku dzanja lanu linandilemera ine;

uwisi wanga unasandulika kuuma kwa malimwe.

5 Luk. 15.18, 21; 1Yoh. 1.9 Ndinavomera choipa changa kwa Inu;

ndipo mphulupulu yanga sindinaibisa.

Ndinati, Ndidzaululira Yehova machimo anga;

ndipo munakhululukira choipa cha kulakwa kwanga.

6 Mas. 69.1; Yes. 55.6 Chifukwa chake oyera mtima onse apemphere kwa Inu,

pa nthawi ya kupeza Inu;

indetu pakusefuka madzi aakulu

sadzamfikira iye.

7 Eks. 15.1-18; Ower. 5.1-31; Mas. 119.114 Inu ndinu mobisalira mwanga;

m'nsautso mudzandisunga;

mudzandizinga ndi nyimbo za chipulumutso.

8 Mas. 25.4 Ine ndidzakulangiza ndi kuphunzitsa iwe za njira ukayendayo;

ndidzakupangira ndi diso langa lakuyang'ana iwe.

9 Miy. 26.3; Yak. 3.3 Musakhale monga kavalo, kapena ngati bulu, wopanda nzeru;

zomangira zao ndizo cham'kamwa ndi chapamutu zakuwakokera,

pakuti ukapanda kutero sadzakuyandikiza.

10 Miy. 13.21; Yer. 17.7; Aro. 2.9 Zisoni zambiri zigwera woipa;

koma chifundo chidzamzinga iye wakukhulupirira Yehova.

11 Mas. 64.10 Sekerani mwa Yehova, ndimo kondwerani inu olungama mtima;

ndipo fuulani mokondwera nonsenu oongoka mtima.