MASALIMO 62 - Buku Lopatulika Bible 2014

Posautsidwa Davide athamangira Mulungu yekhaKwa Mkulu wa Nyimbo, pa Yedutuni, Salimo la Davide.

1 Mas. 33.20 Moyo wanga ukhalira chete Mulungu yekha;

chipulumutso changa chifuma kwa Iye.

2 Mas. 18.2 Iye yekhayo ndiye thanthwe langa ndi chipulumutso changa;

msanje wanga, sindidzagwedezeka kwakukulu.

3Mudzamvumvulukira munthu mpaka liti,

kumupha iye, nonsenu,

monga khoma lopendekeka, ndi mpanda woweyeseka?

4 Mas. 28.3 Komatu amkhalira upo kuti amkankhire pansi ulemu wake;

akondwera nao mabodza;

adalitsa ndi m'kamwa mwao,

koma atemberera mumtima.

5Moyo wanga, ukhalire chete Mulungu yekha;

pakuti chiyembekezo changa chifuma kwa Iye.

6Iye yekhayo ndiye thanthwe langa ndi chipulumutso changa,

msanje wanga, sindidzagwedezeka.

7 Yer. 3.23 Pa Mulungu pali chipulumutso changa ndi ulemerero wanga.

Thanthwe la mphamvu yanga ndi pothawirapo panga mpa Mulungu.

8 1Sam. 1.15; Mas. 42.4 Khulupirirani pa Iye nyengo zonse, anthu inu,

tsanulirani mitima yanu pamaso pake.

Mulungu ndiye pothawirapo ife.

9 Yes. 40.15, 17 Indetu, anthu achabe ndi mpweya, ndipo anthu akulu ndi bodza,

pakuwayesa apepuka;

onse pamodzi apepuka koposa mpweya.

10 Luk. 12.15 Musakhulupirire kusautsa, ndipo musatama chifwamba;

chikachuluka chuma musakhazikepo mitima yanu.

11 Chiv. 19.1 Mulungu ananena kamodzi, ndinachimva kawiri,

kuti mphamvu ndi yake ya Mulungu.

12 Mas. 103.8; Miy. 24.12; Yer. 32.19; Mat. 16.27; Aef. 6.8; Akol. 3.25 Chifundonso ndi chanu, Ambuye,

Chifukwa Inu mubwezera munthu aliyense

monga mwa ntchito yake.