MASALIMO 46 - Buku Lopatulika Bible 2014

Mulungu ndiye pothawirapo anthu akeKwa Mkulu wa Nyimbo; Chilangizo cha kwa ana a Kora. Pa Alamot. Nyimbo.

1 Mas. 91.2; Deut. 4.7 Mulungu ndiye pothawirapo pathu ndi mphamvu yathu,

thandizo lopezekeratu m'masautso.

2Chifukwa chake sitidzachita mantha,

lingakhale lisandulika dziko lapansi,

angakhale mapiri asunthika, nakhala m'kati mwa nyanja.

3 Yer. 5.22 Chinkana madzi ake akokoma, nachita thovu,

nagwedezeka mapiri ndi kudzala kwake.

4 Chiv. 22.1-2 Pali mtsinje, ngalande zake zidzakondweretsa mudzi wa Mulungu.

Malo oyera okhalamo Wam'mwambamwamba.

5 Ezk. 43.7, 9; Yow. 2.27; Zek. 2.5 Mulungu ali m'kati mwake, sudzasunthika,

Mulungu adzauthandiza mbandakucha.

6 Mas. 2.1 Amitundu anapokosera, maufumu anagwedezeka,

ananena mau, dziko lapansi linasungunuka.

7 Num. 14.9 Yehova wa makamu ali ndi ife;

Mulungu wa Yakobo ndiye pamsanje pathu.

8Idzani, penyani ntchito za Yehova,

amene achita zopululutsa pa dziko lapansi.

9 Yes. 2.4 Aletsa nkhondo ku malekezero a dziko lapansi;

athyola uta, nadula nthungo;

atentha magaleta ndi moto.

10 Eks. 14.13; Yes. 2.11, 17 Khalani chete, ndipo dziwani kuti Ine ndine Mulungu,

Ndidzabuka mwa amitundu,

ndidzabuka pa dziko lapansi.

11 Mas. 46.7 Yehova wa makamu ali ndi ife,

Mulungu wa Yakobo ndiye pamsanje pathu.