MASALIMO 118 - Buku Lopatulika Bible 2014

Wa Salimo alemekeza Mulungu womlanditsa m'manja mwa adani

1 1Mbi. 16.8, 34 Yamikani Yehova; pakuti Iye ndiye wabwino;

pakuti chifundo chake nchosatha.

2 Mas. 115.9, 11 Anene tsono Israele,

kuti chifundo chake nchosatha.

3Anene tsono nyumba ya Aroni,

kuti chifundo chake nchosatha.

4Anene tsono iwo akuopa Yehova,

kuti chifundo chake nchosatha.

5 Mas. 56.13 M'mene ndinasautsika ndinaitanira pa Yehova;

anandiyankha nandiika motakasuka Yehova.

6 Yes. 51.12; Aheb. 13.6 Yehova ndi wanga; sindidzaopa;

adzandichitanji munthu?

7 Mas. 54.4 Yehova ndi wanga, mwa iwo akundithandiza;

m'mwemo ndidzaona chofuna ine pa iwo akundida.

8 Yer. 17.5, 7 Kuthawira kwa Yehova nkokoma

koposa kukhulupirira munthu.

9 Mas. 146.3 Kuthawira kwa Yehova nkokoma

koposa kukhulupirira akulu.

10 Amitundu onse adandizinga,

zedi, m'dzina la Yehova ndidzawaduladula.

11Adandizinga, inde, adandizinga:

Indedi, m'dzina la Yehova ndidzawaduladula.

12 Deut. 1.44 Adandizinga ngati njuchi;

anazima ngati moto waminga;

indedi, m'dzina la Yehova ndidzawaduladula.

13Kundikankha anandikankha ndikadagwa;

koma Yehova anandithandiza.

14 Yes. 12.2 Yehova ndiye mphamvu yanga ndi nyimbo yanga;

ndipo anakhala chipulumutso changa.

15M'mahema a olungama muli liu lakufuula mokondwera

Dzanja lamanja la Yehova ndi la chipulumutso:

16Dzanja lamanja la Yehova likwezeka,

Dzanja lamanja la Yehova lichita mwamphamvu.

17 Hab. 1.12 Sindidzafa koma ndidzakhala ndi moyo,

ndipo ndidzafotokozera ntchito za Yehova.

18 2Ako. 6.9 Kulanga anandilangadi Yehova:

koma sanandipereke kuimfa ai.

19 Yes. 26.2 Nditsegulireni zipata za chilungamo;

ndidzalowamo, ndidzayamika Yehova.

20Chipata cha Yehova ndi ichi;

olungama adzalowamo.

21 Mas. 116.1 Ndidzakuyamikani, popeza munandiyankha,

ndipo munakhala chipulumutso changa.

22 Mat. 21.42; Mrk. 12.10; Luk. 20.17; Mac. 4.11; Aef. 2.20 Mwala umene omangawo anaukana

wakhala mutu wa pangodya.

23Ichi chidzera kwa Yehova;

nchodabwitsa ichi pamaso pathu.

24Tsiku ili ndilo adaliika Yehova;

tidzasekera ndi kukondwera m'mwemo.

25Tikupemphani, Yehova, tipulumutseni tsopano;

tikupemphani, Yehova, tipindulitseni tsopano.

26 Mat. 21.9; 23.39 Wodala wakudzayo m'dzina la Yehova;

takudalitsani kochokera m'nyumba ya Yehova.

27Yehova ndiye Mulungu, amene anatiunikira;

mangani nsembe ndi zingwe, kunyanga za guwa la nsembe.

28 Yes. 25.1 Inu ndinu Mulungu wanga, ndipo ndidzakuyamikani;

ndinu Mulungu wanga, ndidzakukwezani.

29 Mas. 118.1 Yamikani Yehova, pakuti Iye ndiye wabwino,

pakuti chifundo chake nchosatha.