MASALIMO 47 - Buku Lopatulika Bible 2014

Mau a kulemekeza Mulungu mwini dziko lonse lapansiKwa Mkulu wa Nyimbo. Salimo la ana a Kora.

1 Yes. 55.12 Ombani m'manja, mitundu yonse ya anthu;

fuulirani kwa Mulungu ndi liu la kuimbitsa.

2 Mala. 1.14 Pakuti Yehova Wam'mwambamwamba ndiye woopsa;

ndiye mfumu yaikulu pa dziko lonse lapansi.

3Atigonjetsera anthu,

naika amitundu pansi pa mapazi athu.

4 1Pet. 1.4 Atisankhira cholowa chathu,

chokometsetsa cha Yakobo amene anamkonda.

5Mulungu wakwera ndi mfuu,

Yehova ndi liu la lipenga.

6Imbirani Mulungu, imbirani;

imbirani mfumu yathu, imbirani.

7 Zek. 14.9 Pakuti Mulungu ndiye mfumu ya dziko lonse lapansi;

imbirani ndi chilangizo.

8 Mas. 22.28; Chiv. 19.6 Mulungu ndiye mfumu ya amitundu,

Mulungu akhala pa mpando wachifumu wake woyera.

9 Aro. 4.11-12 Akulu a anthu asonkhana

akhale anthu a Mulungu wa Abrahamu,

pakuti zikopa za dziko lapansi nza Mulungu;

akwezeka kwakukulu Iyeyo.