MASALIMO 26 - Buku Lopatulika Bible 2014

Davide popempha Mulungu amweruze, atchula zokoma zakeSalimo la Davide.

1 2Maf. 20.3 Mundiweruze, Yehova, pakuti ndayenda m'ungwiro wanga,

ndipo ndakhulupirira Yehova, sindadzaterereka.

2 Mas. 139.23 Mundiyesere, Yehova, ndipo mundisunthe;

yeretsani impso zanga ndi mtima wanga.

3 2Maf. 20.3 Pakuti chifundo chanu chili pamaso panga;

ndipo ndayenda m'choona chanu.

4 Mas. 1.1; Yer. 15.17 Sindinakhala pansi ndi anthu achabe;

kapena kutsagana nao anthu othyasika.

5Ndidana nao msonkhano wa ochimwa,

ndipo sindidzakhala nao pansi ochita zoipa.

6 Deut. 21.6 Ndidzasamba manja anga mosalakwa;

kuti ndizungulire guwa la nsembe lanu, Yehova;

7kuti ndimveketse mau a chiyamiko,

ndi kulalikira ntchito zanu zonse zozizwa.

8 Mas. 27.4 Yehova, ndikonda chikhalidwe cha nyumba yanu,

ndi malo akukhalamo ulemerero wanu.

9Musandichotsere mzimu wanga pamodzi ndi olakwa,

kapena moyo wanga pamodzi ndi anthu okhetsa mwazi;

10 Yes. 33.15-16 amene m'manja mwao muli mphulupulu,

ndi dzanja lao lamanja ladzala ndi zokometsera mlandu.

11Koma ine, ndidzayenda m'ungwiro wanga;

mundiombole, ndipo ndichitireni chifundo.

12 Mas. 40.2 Phazi langa liponda pachidikha,

m'masonkhano ndidzalemekeza Yehova.