1Tsaypitanami rikarqä lamarpita anticristo yarqaykämuqta.
7Tsaynöpis anticristuta Tayta Dios kachaparirqan payman yärakuqkunata atacar vincinanpaqmi.
Wanutsishqa kananpaq kaqkunaqa wanutsishqami kanqa.
Tsayno kaptinpis Diosman yärakuqkunaqa pacienciakäritsun. Imano nakarpis payman yärakäritsun.
Anticristupa profëtan shamunanpaq kashqan11Nirkurnami rikarqä anticristupa profëtan patsa rurinpita yarqaykämuqta. Payqa carnishpa waqranno waqrashqami karqan. Itsanqa dragonnömi parlarqan.
12Anticristunömi munayniyuq karqan. Paymi lapan runakunata nirqan anticristuta adorapäkunanpaq. Anticristuqa uman pakishqa kashqanpita aliyashqanami kaykarqan.
13Tsaynöpis anticristupa profëtanqa milagrukunatami rurarqan. Runakuna rikaykaptinmi jana patsapita ninatapis ratatsimurqan.
14Anticristupa nawpancho milagrukunata tsayno rurarmi runakunata engañarqan.Mat. 24.24; 2Tes. 2.9-10. Nirkurnami runakunata mandarqan ïduluta rurananpaq. Tsay ïdulu karqan uman aqulushqa kashqanpita aliyashqa anticristo niraqmi.
15Anticristupa profëtanqa munayniyuq karmi ïduluta kawayta qorqan. Tsaymi tsay ïdulu parlar payta mana adoraq kaqkunata wanutsinanpaq nirqan.
16Tsaynöpis anticristuqa yachaq runata y mana yachaq runatapis, rïcu runata y waktsa runatapis, ashmaykunata y mana ashmaykunatapis lapantami alawqa kaq makinman karpis o urkunman karpis señalatsirqan.
17Tsay señal karqan anticristupa jutinpa nümerunmi. Señaläni kaq runakunaqa manami rantipakuyta ni rantikuyta kamäpakurqantsu.
18Anticristupa ima nümerun kashqantapis shumaq tantiyakäriy. Tsay nümerunqa kaykan soqta pachak soqta chunka soqtami (666). Runapa jutinmi tsay nümeru kaykan. Pipis yachaq kaqqa tantiyakutsun pï runapa jutin tsay nümeru kashqantapis.
Who We AreWhat We EelieveWhat We Do
2025 by iamachristian.org,Inc All rights reserved.
