1 1 (1b) Tayta Diosqa atskïmi y salvamaqnïmi kaykan.
Tsayno kaykaptinqa ¿pitaraq mantsaküman?
Tayta Diosmi imapitapis tsapäman.
Tsaymi pitapis mana mantsakütsu.
2Wanutsimänanpaqmi conträkuna juntakarkaykan.
Tsayno karpis kikinkunami ushakanqa.
3Tsaytsika soldädukuna juntapämaptinpis manami mantsakushaqtsu.
Wanutsimänanpaq kamarikuptinpis qammanmi yärakamü.
4 Tayta Diosta juklaylatami manakü.
Tsaylapaqmi yarparaykä.
Payta manakü waran waran wayincho kanäpaq,
kuyakuq kashqanta shumaq tantiyakunäpaq
y templuncho payta adoranäpaq.
5Nakaykuna chayamuptin paymi wayinman pakamanqa.
Tsaychömi conträkunapita tsapämanqa.
Qaqa jananman qeshpitsiqnömi qeshpitsimanqa.
6Conträkunata vincinäpaqmi yanapamanqa.
Tsaymi templunman aywaykur kushikuypita sacrificiukunata rupatsishaq.
Tsaychömi Tayta Diosta kushishqa alabashaq.
7Manakamushqäta mayaykalämay, Tayta Dios.
Kuyapämashpayki ruwakamushqäta contestaykalämay.
8Lapan shonqüwanmi qamta ashiykä.
Imaypis tsaynölami ashishayki.
9Noqapita ama pakakuykulaytsu.
Rabyarpis ama kachaykalämaytsu.
Qamlami imaypis yanapamanki.
Japalätaqa ama kachaykalämaytsu.
Qamlami salvamaqnï kaykanki.
10Mamä y taytä kacharimaptinpis qammi shuntakamanki, Tayta Dios.
11Imano kawanäpaq nänikita reqiykatsilämay, Tayta Dios.
Conträkuna rikakamänanpaq yanapaykalämay.
12Chikimaqnïkunapa makinman ama kachaykalämaytsu.
Paykunaqa conträ sharkurmi imatapis manakaqkunata jitapaykäman.
13Noqa musyämi Tayta Dios yanapamänanpaq kashqanta.
Kay patsacho kawashqäyaqqa yanapamashqanta rikashaqmi.
14 Tayta Dioslaman imaypis yärakäriy.
Mana ajayaypa y mana utikaypa paylaman yärakäriy.
Who We AreWhat We EelieveWhat We Do
2025 by iamachristian.org,Inc All rights reserved.
