Salmo 142 - Quechua Margos-Yarowilca-Lauricocha Bible（qvm）

Salmo 142 (141)Yanapananpaq Tayta Diosta manakushqan 1 (1) Machaycho pakakushqanta yarparmi kay salmuta David qelqarqan.1Sam. 22.1; 24.3.

1 1 (2) Tayta Dios, lapan kalpäwanmi manakamü yanapamänaykipaq.

Lapan shonqüwanmi ruwakamü kuyapämänaykipaq.

2 2 (3) Lapan pasamashqantapis qamtami wilapä.

Lakikuykashqätapis qamtami wilapä.

3 3 (4) Shonqü pasaypa lakikuptinpis qammi shakyätsimashqanki.

Purikunä näniman trampata churapämaqnömi fiyu runakuna desgracia pasamänanta munarkaykan.

4 4 (5) Amïgüpis manami kantsu shakyätsimänanpaq.

Pïnïpis manami kantsu favornï sharkunanpaq.

Noqataqa manami pipis yarpämannatsu.

5 5 (6) Tayta Dios, qamta manakamurmi kayno nï:

<>.

6 6 (7) Manakamushqäta mayaykalämay.

Valornïpis pasaypami ushakaykan.

Chikimaqnïkunapita tsapaykalämay.

Paykunaqa noqapita mas kalpayuqmi karkaykan.

7 7 (8) Carcilchönömi kaykä.

Jutikita joqarir alabanäpaq jorqaykalämay.

Yanapamashqaykipita kushikurmi yärakamuq mayïkunawan alabashayki.