1Tsay witsanmi lamarcho wenquypa wenqur siwyayla aywaq mantsariypaq Leviatán waräkuyta maytsay nacionkunamanpis chayanqapaq.
7Israel runakunata Tayta Dios castigarpis manami contran runakunata castigashqannötsu castigashqa, sinöqa kuyapashqami.
Tsaymi contrankunata ushakätsirpis Israel runakunataqa mana ushakätsishqatsu.
8Ushakätsinanpa trukanqa nacionninpita juk läduman prësu apatsirmi castigashqa.
Chunyaq jirkapita fiyupa wayrämur wakpa kaypa imaykatapis mashtaypa mashtashqanömi mashtakätsishqa.
9Tsayno kaptinpis Jacobpita miraqkunapa jutsankunataqa perdonanqami.
Itsanqa perdonanqa juk dioskunata adorakunan altarkunata ushakätsiptin,
altarta perqashqan rumikunata isku rumitano chipyaq rupatsir ushakätsiptin,
Asera diösapaq raku qerukunata manana jawiptin
y juk dioskunapaq inciensuwan qoshtatsikunan altarkunatapis juchutsiptinmi.
10Nacionninpita Israel runakunata apakuptin ali murallashqa markankuna chunyaqmi rikakushqa.
Tsaytsika runakuna tashqan markakunachöpis manami pipis kashqanatsu.
Mitsikuna jirkakunalanami rikakushqa.
Tsaychömi turitukunalana qewata mikur pacha junta punurkaykan.
11Rämakuna tsakir pakikaqkunatami warmikuna tsaycho yantakurkaykan.
Tsaycho taq runakuna mana tantiyakuqmi kashqa.
Tsaymi paykunata kamaq Tayta Dios mana kuyapashqatsu ni lakipashqatsu.
12Tsay witsanmi trïguta ërapita shuntashqanno Éufrates mayupita Egipto mayuyaq juk juklayla lapaykita shuntamushunkipaq.
13Tsay witsan cornëtata tukamuptinmi Asiriacho tarpis y Egiptucho tarpis nacionnikiman kutipäkamunkipaq. Jerusalénman kutiykamurmi sagrädu jirkancho Tayta Diosta adorapäkunkipaq.
Who We AreWhat We EelieveWhat We Do
2025 by iamachristian.org,Inc All rights reserved.
