Lamentaciones 1 - Quechua Margos-Yarowilca-Lauricocha Bible（qvm）

Punta kaq poesíaÁlef

1¡Wawalaw, Jerusalén marka!

Tsaytsika runakuna qamcho tashqa kaptinpis ¡imanöpataq ushakashqanki!

Nawpata maytsay markapita mas reqishqa karpis kananqa viüda warminömi kaykanki.

Atska markakunapa mandaqnin reinano karpis kananqa ashmay warminömi rikakushqanki.

Bet

2Tsakaykunapapis fiyupa lakikushpayki iktsushqaykiyaqmi waqaykanki.

Tsakalwaykipapis yakunöraqmi weqiki jutuykan.

Shoqashunaykipaq kuyanakushqaykipis manami kantsu.

Lapan yanasaykipis kananqa chikishunkimi.Guímel

3Judá runakunaqa contrankuna tsariptin manami ima ruraytapis kamäpakärishqatsu.

Juk lädu nacionman apakuptinmi pasaypa nakarkaykan.

Jäpa nacioncho prësu karmi jamaytapis mana taripäkuntsu.

Dálet

4Tayta Diosta adorananpaq fiestakunamanpis mananami shapäkamunnatsu.

Sión jirkanman aywaq nänikunapis lakikuypaq chunyaqmi rikakushqa.

Markaman yaykuna punkukunachöpis manami pipis kannatsu.

Cürakunapis waqarkaykanmi.

Jipashkunapis lakikurkaykanmi.

Maytsaychöpis waqarkaykanmi.He

5Jerusalén markataqa pasaypa jutsata rurashqanpitami Tayta Dios castigashqa.

Tsaymi contrankuna munaynincho tsararpaykan.

Wamrankunatawan apashqa karmi contrankuna kushishqa karkaykan.

Vav

6 Sión runakuna munayniyuq kashqanman atiënikushqanpis ushakashqanami.

Mikanashqa luychu qewata ashiqnömi mandaqninkunapis karkaykan.

Pasaypa janjampaykachaykarmi qatikachaqninkunapita qeshpirkaykan.

Zayin

7Jerusalén marka, qamcho taq runakunata atacashqan höra manami pipis favornin sharkushqatsu.

Lapan kachariykushuptikimi chikishuqnikikuna asikärishqa.

Qamcho taq runakuna puntata rïcu kashqanta yarparmi juk lädu nacionchöna pasaypa lakikärin.

Jet

8Aläpa jutsata rurarmi Jerusalénqa impüru rikakushqa.

Qarapächu warmino penqakuypaq kaykaqta rikarmi nawpata respitaq runakunapis kananqa manana respitapäkunnatsu.

Tsayno ruraptinmi waqar penqaytukushqa uysuraykan.Tet

9Warmipa killa qeshyan aywar träjin jananyaq ushmaptin jamurpaypaq kashqannömi Jerusalénpis jutsata rurashqanpita jamurpaypaq kaykan.

Manami ichiklatapis yarpashqatsu kayno ushakänanpaq kashqanta.

¡Mana criyiypaqmi ushakashqa!

¡Manami pipis kuyapashqatsu!

Pasaypa lakikurmi kayno nin:

< conträkuna ushakätsimashqanpita lakikuykaptï kuyapaykalämay>>.

Yod

10Jerusalénpita imaykatapis alinnin kaqtaqa contrankunami apakushqa.

Jäpa runakuna templuman mana yaykunanpaq Tayta Dios niykaptinpis lutalami yaykapäkushqa.

Caf

11Jerusalén runakuna waqaraykarmi mikuyta ashipäkushqa.

Ukushninta watarkunalanpaqmi mikuyta tarinan kashqa lapan imaykankunatapis rantikärishqa.

Tsayjinanpa nakarkaykaqta rikaykämarqa kuyapaykalämay, Tayta Dios.

Lámed

12Jerusalén marka kaynömi nin:

<

Noqa nakaykashqäno ¿pilaqa nakaykantsuraq?

Tayta Diosmi fiyupa rabyakushpan castigamashqa kayno nakanäpaq.

Mem

13<

Mana pasanäpaqmi purinämanpis trancata churapämashqa.

Kachariykamaptinmi pasaypa nakaykä.

Nun

14<

Jutsata rurashqäpita kikin Tayta Dios castigamaptinmi kalpäpis mana kannatsu.

Conträkunapa makinman kachariykamaptinmi imanöpa ichipaytapis mana kamäpakütsu.

Sámej

15<

Jäpa soldädukunata kachamurmi mözukunatapis wanutsir ushashqa.

Vïnupaq üvata jaruqnömi runakunata Tayta Dios ushakätsishqa.Ayin

16<

Shoqamänanpaq ni yanapamänanpaq manami pïnïpis kantsu.

Conträkuna vincimashpanmi wamräkunatapis ushakätsishqa>>.

Pe

17Makilan choqpashqa Sión ruwakuptinpis manami pipis kuyapar yanapantsu.

Tayta Diosmi kachashqa Jacobta vecïnunkuna ushakätsinanpaq.

Manakaqmanmi Jerusalénta contrankuna churarkaykan.

Tsade

18Jerusalén marka kaynömi nin:

< nimashqanta manami cäsukushqätsu.

Tsaymi jutsata rurashqäman tupu castigamashqa.

Maytsaycho taq runakuna, rikakäriy imano nakaykashqätapis.

Mözukunata y jipashkunatapis prësumi apakärishqa.

Qof

19<

Yanapamänanpa trukan conträmi sharkapäkushqa.

Cürakuna y mayor runakunapis nakarmi mikuyta ashir puripäkushqa.

Mana tarirmi yarqaypita jinan markalacho wanushqa.

Resh

20< tsayjinanpa lakikuykaqta rikaykämarqa kuyapaykalämay.

Pasaypa mana cäsukuq kashqäta yarpaptïmi shonqüpis kurun kurunyaykan.

Marka waqtanchömi wamräkunata espädawan wanurkaykätsin.

Marka rurinchöpis wanuylami kaykan.Sin/Shin

21<

Castigamashqaykita rikamarmi lapan conträkuna kushipaykäman.

Noqata castigamashqaykinöla paykunatapis castigaykulay.

Tav

22<

Jutsata rurashqäpita castigamashqaykino paykunatapis castigaykulay.

Lakikuylawanmi shonqu nanaypis tsarikaykaman>>.