1 1 (2) Tayta Dios, manakamushqäta mayaykalämay.
Ruwakamuptï chaskiykalämay.
2 2 (3) Qayakamuptï wiyaykalämay.
Pasaypami lakikuykä.
3 3 (4) Conträkuna jurapämaptinmi pasaypa mantsakuykä.
Jutsa ruraqkuna nakatsimaptinmi lakikuykä.
Paykunaqa tukuy nakaykunamanmi jitarpaman.
Fiyupa rabyashpanmi conträ sharkapäkun.
4 4 (5) Wanuyparaqmi mantsakuy tsariman.
Shonqüpis fiyupami kurun kurunyaykan.
5 5 (6) Pasaypa mantsariylawanmi siksikyaykä.
Pasaypa mantsakuymi tsarimashqa.
6 6 (7) Tsaymi yarpachakur kayno nï:
<<¡Ay, imanöparaq palumapano äläkuna kaykunman!
Äläkuna kaptinqa karuman aywakurmi jawkala kawaküman.
7 7 (8) Karupami pärir aywaküman.
Chunyaq jirkachöqa pipis mana rikaymi täküman. Selah
8 8 (9) Maypapis jukla qeshpir aywaküman.
Huracán wayrapita y löcu tamyapita pakakuqnömi pakaräküman>>.
9 9 (10) Conträ runakuna kikinpura rimanakuykaqta y pelyaykaqtami rikaykä.
Paykunata ushakaykatsilay, Tayta Dios.
Wilanakurpis amana tantiyanakutsuntsu.
10 10 (11) Paykunaqa paqaspa y junaqpami markacho purirkaykan.
Lapanpis jutsa ruraylachömi kawarkaykan.
11 11 (12) Cällikunachöpis wanutsinakular y lulapänakularmi karkaykan.
12 12 (13) Conträ achäquita ashipämaptinqa manami cäsupämantsu.
Chikimaqnï qatikachämaptinqa qeshpikümanmi.
13 13 (14) Yärakushqä y kuyashqä amïgü kaykar conträ sharkuptinmi itsanqa fiyupa lakikü.
14 14 (15) Paywanmi Tayta Diospa wayinmanpis aywarqä.
Tsaychömi shakya shakya parlar juntu purirqä.
15 15 (16) Chikimaqnïkunataqa elaqpita supaynin apatsun.
Paykunataqa kawaykaqta pampapäkutsun.
Shonqunchöpis yarparaykan jutsa ruraylapaqmi.
16 16 (17) Noqami itsanqa Tayta Diosta manakushaq.
Paymi conträkunapa makinpita jorqamanqa.
17 17 (18) Tutapapis, tardipapis y tsakaypapis Tayta Diostami waqapäshaq.
Payqa waqapashqäta mayamanqami.
18 18 (19) Conträ sharkapäkuptinpis paymi tsapämanqa.
Chikimaqnïkuna tsaytsika kaptinpis paymi salvamanqa.
19 19 (20) Conträ runakunaqa jutsa ruraykunata manami kacharintsu.
Tayta Diostapis manami mantsakuntsu.
Tsaymi manakushqäta mayamar Tayta Dios penqayman churanqa.
Tayta Diosqa imayyaqpis reymi kaykan. Selah
20 20 (21) Conträ sharkuqkunaqa amïgunkunatapis maqanmi.
Kuyanakunanpaq promitirkurpis manami cumplipäkuntsu.
21 21 (22) Paykunaqa ali shimilanpa rimarkurpis shonqunchöqa amïgunta nanaparaykanmi.
Shakya shakya parlapashqanpis ali afilashqa cuchillunöraqmi kaykan.
22 22 (23) Lapan lakikuynikikunatapis Tayta Diospa makinman kachaykäriy.
Paymi imachöpis yanapashunkipaq.
Cäsukuqkunataqa manami imaypis qonqanqatsu.
23 23 (24) Tayta Dios, wanutsikuqkuna y lulakuqkunaqa juk ishkay watala kawapäkutsun.
Mözularaq kaykar wanupäkutsun.
Noqaqa qamlamanmi imaypis yärakamushaq.
Who We AreWhat We EelieveWhat We Do
2025 by iamachristian.org,Inc All rights reserved.
