Efesios 5 - Quechua Margos-Yarowilca-Lauricocha Bible（qvm）

Tayta Diospa wamrankuna imano kawananpaqpis kashqan

1Tayta Dios kuyashqan wamrankuna kaykarqa pay jutsaynaq kashqanno qamkunapis jutsaynaq kapäkuy.

2Jesucristo kuyakuq kashqanno qamkunapis kuyakuq kapäkuy. Kuyakuq karmi noqantsi rayku wanur Tayta Diospaq ali asyaq sacrificiuno kashqa.

3Tayta Dios kuyashqan santu runakuna kaykarqa fornicación jutsata ama rurapäkuytsu, codiciösu ama kapäkuytsu ni ima jutsatapis ama rurapäkuytsu. Tsaykunapaqqa rimaylapis ama rimapäkuytsu.

4Lutankunata, manakaqkunata ni lutan yarpayman apaq bujunädakunatapis ama rimapäkuytsu. Tsaypa trukanqa Tayta Diosta lapanpita agradëcikäriy.

5Shumaq tantiyakäriy: fornicación jutsata ruraqkuna y codiciösu kaqkunaqa manami Tayta Dios y Jesucristo mandashqanman yaykunqatsu. (Codiciösu kaqkunaqa ïduluta adoraqnömi karkaykan.)

6Mana cäsukuypa jutsata ruraqkunataqa Tayta Diosmi rabyashpan castiganqa. Tsayno kaykaptinqa jutsata ruranaykipaq pipis shakyätsishuptiki ama chaskipäkunkitsu.

7Wakin runakuna jutsata ruraptinpis qamkunaqa ama rurapäkunkitsu.

8Nawpataqa qamkunapis jutsata rurashpayki tsakaqcho kaykaqnömi kawapäkurqayki. Kananmi itsanqa Jesucristuta chaskikur atsikyaqchöna kawarkaykanki. Tsayno kaykarnaqa Tayta Dios munashqanno waran waran kawapäkuy.

9Atsikyaqchöna kawarqa kuyapäkuq kanki, alilata ruranki y rasun kaqlata rimanki.

10Tayta Dios munashqanno kawanaykipaq imaypis yarpachakäriy.

11Tayta Diosta mana cäsukuq runakuna lutankunata ruraptinpis qamkunaqa ama rurapäkuytsu. Tsaypa trukanqa lutan ruraykunata kacharinanpaq tantiyatsipäkunki.

12Paykuna pakaylapa jutsa rurashqanqa pasaypa penqakuypaqmi kaykan. Tsaykunataqa ama parlapäkuytsu.

13Atsikyaptin imapis rikakashqannömi paykuna jutsata rurashqanpis musyakanqa.

14Jutsa ruraqkuna tantiyakärinanpaq rimaypis kaynömi nin:

<

Wanushqa kaykashqaykipita kawarimuy.

Jesucristumi atsikyapäshunki>>.

15Tsayno kaykaptinqa imano kawaykashqaykitapis shumaq tantiyakäriy. Mana tantiyakuq runano kawapäkunaykipa trukanqa tantiyakuq runano kawapäkuy.

16Runakuna mana alita rurar kawaptinpis qamkunaqa alilata imaypis rurapäkuy.

17Mana tantiyakuq runanöqa ama kawapäkuytsu. Tsaypa trukanqa Señornintsi munashqanno kawanaykipaq shumaq tantiyakäriy.

18Ama shinkapäkuytsu. Shinkaq runaqa lutankunatami ruran. Tsaypa trukanqa Espíritu Santupa munaynincho kawapäkuy.

19Salmukunata, himnukunata y cörukunata cantar lapan shonquykiwan Tayta Diosta alabapäkuy.

20Ima kaptinpis Señornintsi Jesucristupa jutincho Tayta Diosta agradëcikäriy.Majayuqkuna imano kawananpaqpis nishqan

21Jesucristuta mantsakurqa juknintsi juknintsipis respitanakur kawashun.

22Warmikuna, Señor Jesucristuta cäsukushqaykinöla runaykitapis cäsukäriy.

28Pipis warminta kuyaq kaqqa kikinpa cuerpuntapis kuyanmi. Tsaymi cuerpunta kuyashqanno warmintapis kuyanman.

29Manami pipis cuerpunta maltratantsu, sinöqa ali mikurmi cuidan. Tsaynölami Jesucristupis iglesianta cuidan.

30Noqantsimi Jesucristupa cuerpun, kaykantsi.

31Tayta Diospa palabranchöpis kaynömi niykan: <>.

32Tsay qelqaraykaqqa Jesucristuwan juklaylano kashqantsitami tantiyatsimantsi. Tsayno tantiyatsimashqantsi pasaypa espantaypaqmi kaykan.

33Tsaymi yapaypis kayno nï: Cuerpuykita kuyapäkushqaykinöla warmikita kuyapäkuy. Warmikunapis runanta respitapäkutsun.