Oseas 6 - Quechua Margos-Yarowilca-Lauricocha Bible（qvm）

Israel runakuna Tayta Diosman yapay yärakärinanpaq nishqan

1 Tayta Diosman yapay yärakushun.

Castigamashpantsipis aliyätsimäshunmi.

Yawar yawar astamashpantsipis jampimäshunmi.

2Wanushqano kaykaptintsimi elaqpita sharkatsimäshun.

Nawpancho kawanantsipaqmi yanapamäshun.

3¡Tayta Diosman imanöpapis kutikärishun!

Patsa waraptin inti jeqamunanpaq kashqanta musyashqantsinömi kuyapämänantsipaq kashqantapis musyantsi.

Usya pasaptin tamya qalaykunanpaq kashqanta musyashqantsinömi yanapamänantsipaq kashqantapis musyantsi.

Tayta Dios contestashqan

4 Tayta Diosmi kayno nin: <

Judá runakuna, ¡imataraq qamkunata ruraykümanpis!

Patsa waraptin pukutay rätula elqashqannömi qamkuna kuyamashqaykipis kaykan.

Inti ratamuptin shulya elqaqnömi kuyakuynikipis kaykan.

5Tsaymi profëtäkunawan wilakatsishqäno qamkunata ushakätsishqä.

Wilakatsishqänömi qamkunata wanutsishqä.

Wilakuynï atskino karmi tantiyatsishushqanki jutsayuq kashqaykita.

6Ofrendakunata apamushqaykipitapis mas munä kuyapäkuq kanaykitami.

Sacrificiuta rupatsishqaykipitapis mas munä noqata reqimänaykitami.

7< rurashqantsita mana cäsukurkaykankitsu.

Cäsukamänaykipaq promitimashqaykitapis manami cumplirkaykankitsu.

8Galaad markachöqa fiyu runakunalami karkaykan.

Tsaychöqa wanutsinakuylami kaykan.

9Cürakunapis Siquemman aywaq nänichömi asaltarkaykan.

Paykunaqa maytsaychömi runakunata wanurkaykätsin.

Tsaynölami imayka jutsatapis rurarkaykan.

10<

Efraín runakunaqa runanta jarukuq warminömi juk dioskunata adorarkaykan.

Israel runakuna tsayno rurar pasaypa melanaypaqmi karkaykan.

11Judá runakuna, qamkunatapis castïgu shuyaraykäshunkimi.

<