Job 23 - Quechua Margos-Yarowilca-Lauricocha Bible（qvm）

Job nishqan

1Tsayno niptinmi Job kayno nirqan:

2<

Tayta Dios castigamaptinmi lakishqa kaykä.

3¡Imanöparaq musyayküman Tayta Dios maycho kaykashqantapis!

Musyarqa imanöpapis tsayman chayaykümanmi.

4Chayaykurqa lapan yarpashqäkunatachari wiläman.

Tsaynöpis imapita nakatsimashqantachari tapüman.

5Pay tantiyatsimaptinqa tantiyämanchari.

6Mantsakätsimänanpa trukanqa shumaqchari tantiyatsimanman.

7Jutsaynaq runataqa manami castiganmantsu.

Tsaymi noqatapis jutsaynaq kashqäta nimanman.

8<

Inti jeqanan kaq lädupa aywarpis manami rikätsu.

9Norti kaq lädupa ni sur kaq lädupa ashirpis manami tarïtsu.

10Paymi itsanqa musyaykan maycho kaykashqäta y imata ruraykashqätapis.

Qoripa qanranta ninawan tsulutsiypa jorquptin püru kashqannömi noqapis nakaykunawan nakatsimaptin jutsaynaqna kashaq.

11Noqaqa pay munashqannömi kawaykä.

Lapan yätsimashqantami cäsukuykä.

12Leyninkunataqa imaypis cumplishqämi.

Nishqankunataqa waran waranmi shonqücho yarparaykä.

13<

Pay mandaptinqa manami pipis tsapata churapantsu.

14Yarpashqannöchari imano kanäpaqpis kamakätsinqa.

Munashqannöchari lapanpis kanqa.

15Paypa nawpancho karmi pasaypa mantsakü.

Tsaykunata yarparmi fiyupa siksikyä.

16Tayta Dios castigamaptinmi valornïpis mana kannatsu.

Lapanpaq munayniyuq Tayta Diosmi fiyupa mantsakätsiman.

17Alimi kanman yanawyaykaq tsakay tsapakarkamaptin.

Alimi kanman mankapa sikinno tsakay nitikarpamaptin.