Job 18 - Quechua Margos-Yarowilca-Lauricocha Bible（qvm）

Bildad yapay nishqan

1Tsaypitanami Súa partipita shamuq Bildad kayno nirqan:

2<<¿Imayyaqtaq tsaynöla rimaykanki?

Shumaq parlanantsipaq tantiyakuy.

3¿Imanirtaq uywatano rikamanki?

¿Imanirtaq upa kashqäta yarpanki?

4Rabyashqaykiwanqa manami imatapis jorqunkitsu.

Mayjina rabyakuptikipis kay patsa manami chunyaq rikakunqatsu ni qaqakunapis juk läduman witikunqatsu.

5<

6Wayinpis tsakaqlami kanqa.

7Ali puriykaptinmi chankankunapis siksikyanqa.

Runa mayinpaq lutanta yarpashqanpis kikinmanmi chayanqa.

8<

Trampapita yarquyta mana kamäpakuqnömi kanqa.

9Utsuputunpita tsarishqano karqa manami qeshpinqatsu.

10Paykunapaq churashqan trampa mana rikakaylami kaykan.

11<

Manami imaypis jawka kawantsu.

12Yarqaylawanmi kalpanpis ushakan.

Paytaqa ima desgraciapis pasanmi.

13Qeri qeshyami intëru cuerpunta ushanqa.

Tsay qeshyawanmi rikranpis y chankanpis wanunqa.

14Wayincho jawkala kaykaqtami wanuy apakunqa.

Nirkurmi pasaypa nakananpaq kachaykamunqa.

15Wayinchöpis manami kikinpa wayinchönötsu tanqa.

Tsay wayimanqa azufritaraqmi shikanqa.

16<

17Wanuptinqa kay patsacho pasaypami qonqaykärinqa.

Cällikunachöpis manami pipis jutinta joqarinqanatsu.

18Atsikyaq patsapitapis tsakayman jitarpushqami kanqa.

Kay patsapitapis qarqushqami kanqa.

19<

Tashqan markachöpis manami paypita miraqkuna tanqatsu.

20Tsayno pasashqanta pïmaypis musyaykurmi maytsaychöpis mantsakashqa rikakunqa.

21<

Tayta Diosta mana cäsukuqkunaqa lapanmi tsayno ushakanqa>>.