1< Kawashqanyaqqa fiyupami nakan. 2Wayta shushur ushakashqannölami ushakan. Lantuy pasashqannölami pasaqla kaykan. 3Tsayno kaykaptinqa ¿imanirtaq imata rurashqantapis juzgaykanki? 4¿Piraq impüruta püruyätsinman? Tsaynölami runapis pasaypa jutsaynaq kayta kamäpakuntsu. 5< Imay junaqyaq kawananpaqpis qammi nishqanki. Ayka wata kawananpaq nishqaykipita mastaqa manami pipis kawanqatsu. 6Tsayno kaykaptinqa jawkala kawakunanpaq amana castigaykuynatsu. Mana castigaptikiqa arupakuq runa päguta chaskir kushikushqannömi jawka täkur kushikunqa. 7< 8Sapin awkisyaptin y troncun ismuykaptinpis 9yaku ushmapaptinqa yapaymi tsintsimun. Rämankunapis loqluypa loqlumi winan. 10Runami itsanqa wanur ushakan. Wanuptinqa manami imaypis rikantsinatsu. 11Usya witsan qocha tsakir ushakashqanno y raqrapa aywaq yaku tsakir ushakashqannömi 12runapis wanur ushakan. Qepishtarpurnaqa imaypis manami kawarimunqatsu ni rikchamunqatsu. 13<<¡Alimi kanman rabyayniki pasashqanyaq wanushkunapa almankuna kaykashqanman kachaykamaptiki! ¡Alimi kanman tsaypita kawaritsimänaykipaq diyata jitapämaptiki! 14Runaqa wanushpan ¿kawarimunqatsuraq? Kawarimunäpaq kaptinqa kay patsacho mayjina nakarpis tsay junaqta shuyarämanmi. 15Tsawraqa qayamaptiki contestamushaq. Kamamaqnï kaykarqa shumaqmi rikamankipaq. 16Tsay höraqa manami castigamankipaqnatsu, sinöqa lapan desgraciapitami tsapämankipaq. 17Ima qanratapis jitarir qonqaykuqnömi jutsa rurashqäkunatapis qonqankipaq. Lutanta rurashqäkunapitapis perdonamankipaqmi. 18< Jirkakunata juchutsishqaykino, qaqakunata partir kuchpatsishqaykino, 19rumita yakuwan qollushyätsishqaykino y loqla aywananpaq tamyatsishqaykinömi runa yarpashqankunatapis ushakätsinki. 20Ushakätsiptikiqa runa manami imaypis kutimunqanatsu. Pamparaykashqanchömi ismutsinki. 21< Tsurinkunata ima desgracia pasashqantapis manami mayanqatsu. 22Tsaypa trukanqa kikin nanapäkushqalantami mayanqa. Tsaynöpis kikilanpaqmi lakikunqa>>.
Who We AreWhat We EelieveWhat We Do
2025 by iamachristian.org,Inc All rights reserved.
