1Kaychömi qelqaraykan caldeo runakuna tashqan Babilonia nacionpaq
Imatapis mana qonqaypa kayno nir wilakäriy:
<¡Babilonia nacionta vincishqanami!
¡Bel diosninpis penqakushqami kaykan!
¡Merodac diosninpis fiyupa mantsakashqami kaykan!
¡Ïdulunkunapis penqakushqa y mantsakashqami kaykan!>
3< Paykuna chayamurmi lapanta ushakätsinqa. Runakunapis ni uywakunapis manami kanqanatsu. Tsaycho taqkunaqa lapanmi qeshpir aywakärinqa>>. 4 Tayta Diosmi kayno nin: < Tsaymi markankunaman waqaraykar kutipäkamushpan perdonta manakamanqa. 5 Siónman aywaq nänipami tapukuraykar kutipäkamunqa. Kutimushpanmi kayno nipäkunqa: Tsay pactuta imaypis cumplishun>. 6< Jirkakunapa purikurmi kunchantapis qonqaykärishqa. 7Tsayno puriykaqta tarirmi pïmaypis mikukurkushqa. Contrankunami kayno nishqa: Lapan nistashqanta kamaripaptinpis manami cäsukärintsu. Tsawraqa paykunata atacarpis manami jutsatatsu ruraykantsi, sinöqa Diosnin munashqannömi atacaykantsi>. 8<<¡Kuyashqä runakuna, Babiloniapita qeshpikäriy! ¡Uyshakunapa puntanta chïvu aywaqno qamkunapis runakunapa puntanta aywakäriy! 9Noqami kamakätsishaq Babiloniata atacananpaq. Norti kaq lädupitami munayniyuq nacionkuna wilanakurkur atacaq aywapäkunqa. Atacaqkunami flëchawan wanutsir Babilonia runakunata vincipäkunqa. 10Babilonia runakunapa imaykantapis apakärinqami. Apaytapis mana puëdishqanyaqmi shuntapäkunqa. Noqa Tayta Diosmi tsayno nï. 11< Becërru malwa ali qewata mikur pañashqannöraqmi qamkunapis kushishqa saltaykacharqayki. Cawallu wijijyashqannömi asikacharqayki. 12Tsayno karpis yurishqayki nación ushakaptin fiyupami penqakärinkipaq. Nacionnikiqa wakin nacionpita mas peormi rikakunqa. Tsaycho pipis mana taptin chunyaqmi rikakunqa. 13Fiyupa rabyakur ushakätsiptïmi nacionnikicho pipis mana tanqanatsu. Tsayta rikarmi runakuna fiyupa mantsakashqa rikakunqa. 14< ¡Paykunata atacanaykipaq tumariq tsaparpay! ¡Flëchaykikunawan mana kuyapaypa flëchapäkuy! 15¡Intëru kuchunpa atacar qaparpay! ¡Babilonia vincishqanami! ¡Rikachakuna törrinkunapis tunishqanami! ¡Murällankunapis juchushqanami! Imanömi qamkunata rurashurqayki, tsayno kikinkunatapis rurapäkuy. Noqa castigaptïmi Babilonia runakunata tsayno atacankipaq. 16<<¡Babiloniacho muruqkunatapis lapanta wanutsipäkuy! ¡Mikuy shuntaqkunatapis lapanta ushakätsiy! Babiloniaman prësu apashqan runakunapis nacionninkunaman kutikäritsun. Babiloniacho mantsakuypaq guërrata rikashpan markankunaman qeshpikäritsun. 17< 18Israel runakunata kuyaq y lapanta mandaq Tayta Dios kaynömi nin: < 19Israel runakunata nacionninmanmi kutitsimushaq. Uyshata mitsiqnömi Carmeluchöpis, Basánchöpis, Efraín jalqakunachöpis y Galaadchöpis paykunata ali rikashaq. 20Tsay tiempu chayamuptin Israel runakunata y Judá runakunata lapan jutsa rurashqantami perdonashaq. Kawaykar quëdaqkunataqa lapantami perdonashaq. Noqa Tayta Diosmi tsayno nï>>. 21 Tayta Diosmi kayno nin: < ¡Pecod particho taykaqkunatapis asulapäkuy! ¡Tsay partikunacho taqkunata lapanta wanutsipäkuy! ¡Nishqätaqa lapanta rurapäkuy! 22Intëru Babilonia nacionchömi mantsakuypaq guërrata rurashqan mayakanqa. Mantsariypaqmi imaykapis ushakanqa. 23< Babilonia ushakashqanta rikarmi maytsay nación runakuna fiyupa espantashqa rikakunqa. 24< Mana tantiyakuypami tsay toqlaman yaykushqanki. Rabyatsimashqaykipitami manyashqatano contraykikuna tsarishushqanki. 25< Wanutsikuq kaq armäkunatami tsaypita jorqamushqä. Yarpashqänölami Babilonia nacionta castigashaq. Lapanta mandaq Tayta Dios karmi tsayno rurashaq. 26<<¡Karupita shamuq soldädukuna, Babilonia runakunata atacapäkuy! ¡Pirwankunatapis ushakätsiy! ¡Nacionnin raqälana kananpaq lapanta ushakätsiy! ¡Ama imapis markankunacho putsütsuntsu! 27¡Soldädunkunatapis lapanta wanutsipäkuy! Paykunata castiganäpaq kaq junaq chayamushqanami. 28<<¡Shumaq mayapäkuy! Babiloniapita Siónman qeshpimuq runakunami wilakurkaykan Babilonia runakunata tumanta kutitsishqäta. Templüta ushakätsishqanpitami Babilonia runakunata tumanta kutitsishqä. 29<<¡Babiloniata atacanaykipaq flëchawan flëchaqkunata shuntapäkuy! ¡Pipis mana qeshpinanpaq intëru marka kuchunpa tsapapäkuy! ¡Rurashqanman tupu tumanta kutitsipäkuy! ¡Jukta nakatsishqannöla paykunatapis nakatsipäkuy! Paykunaqa conträmi sharkushqa. Noqaqa Israel runakunapa santu Tayta Diosninmi kaykä. 30Castigaptïmi lapan mözukuna cällikunacho wanushqa jitarpanqa. Tsay junaqmi lapan Babilonia soldädukunapis wanunqa. Noqa Tayta Diosmi tsayno nï. 31< Mana cäsukuq runakuna, qamkunapa contraykimi kaykä. Qamkunata castiganäpaq kaq junaq chayamushqanami. 32Qamkunaqa pasaypami nakankipaq. Nakaptikipis manami pipis yanapashunkipaqtsu. Lapan markaykikunata ninawan rupatsiptïmi nawpan chakrakunatapis chipyaq rupar ushanqa>>. 33Lapanta mandaq Tayta Dios kaynömi nin: < Paykunata prësu tsarirkur manami kachariyta munapäkuntsu. 34Tsayno kaptinpis noqaqa paykunapa munayniyuq salvadorninmi kaykä. Jutïpis lapanta mandaq Tayta Diosmi kaykan. Munaynïwan jorqamurmi jawka kawananpaq nacionninman kutitsishaq. Babilonia runakunatami itsanqa pasaypa castigashaq>>. 35 Tayta Diosmi kayno nin: <<¡Babilonia markakunacho guërrala katsun! ¡Mandaqninkunapaq y yachaq runakunapaqpis guërrala katsun! 36¡Rikakuqninkunapis guërrawan löcutätsun! ¡Soldädunkunapis guërrawan mantsakur siksikyätsun! 37¡Cawallunkunatapis y carrëtankunatapis guërracho ushakätsitsun! ¡Babiloniata yanapaq juk lädu soldädukunapis warmino mantsakäritsun! ¡Babilonia runakunapa imaykantapis apakäritsun! 38¡Babiloniacho mayukunapis tsakitsun! Lapanpis tsayno pasatsun intëru Babiloniacho ïdulukuna kashqanpita. Tsay melanaypaq ïdulukunaman yärakurmi mana alikunata rurarkaykan. 39< Tsaycho mananami imaypis wayita ni markatapis sharkatsinqanatsu. 40Sodoma, Gomorra y nawpankunacho kaykaq markakuna ushakashqannömi Noqa Tayta Diosmi tsayno nï. 41< Pasaypa karupitami shapäkamunqa. 42Paykunaqa flëchata y espädata kamarikushqami karkaykan. Pasaypa fiyu karmi pitapis mana kuyapantsu. Pelyananpaq qaparashqanpis lamar yaku qaparaqnöraqmi mayakan. Cawallun muntashqalanami guërrata rurananpaq karkaykan. ¡Babilonia runakuna, atacashunaykipaqmi shapäkamunqa! 43Tsayta mayaykurmi Babilonia nacionpa mandaqnin rey mantsakashqa rikakunqa. Qeshyaq warmita wachay nanay tsariqnömi pasaypa lakikuy tsarinqa. 44< Ali qewacho mikuykaq uywata tsariq leonnömi noqapis elaqpita castigashaq. Tsaymi Babilonia runakuna mantsakashpan qeshpir aywakärinqa. Nirkurnami akrashqä runata mandaqnin rey kananpaq churashaq. ¿Piraq noqano kanman? ¿Piraq noqawan churakanman? ¿Pï autoridäraq noqata ichipämanman? 45< Babiloniacho taqkunata castiganäpaq nishqäta shumaq mayapäkuy. Tsaycho taqkunata wamrantintami prësu apakärinqa. Intëru naciontami pasaypa ushakashqata kacharinqa. 46Babilonia marka tsayno ushakaptinmi maytsaychöpis patsa kuyunqa. Fiyupa qaparpashqanpis maytsay nacionmanmi mayakanqa>>.
Who We AreWhat We EelieveWhat We Do
2025 by iamachristian.org,Inc All rights reserved.
