Job 24 - Quechua Margos-Yarowilca-Lauricocha Bible（qvm）

1<

2Fiyu runakunaqa chakrapa mujunninpaq jawishqan wankatapis wititsipäkunmi.

Suwakuy uyshakunalatami mitsirkaykanpis.

3Waktsakunapa bürruntapis qechupäkunmi.

Viüdapa juklayla töruntapis prendami tsarikuykun.

4Waktsakunataqa nänipa puriptinpis michäpäkunmi.

<

5Chunyaq jirkacho qewata chucaru bürru ashishqannömi waktsakunaqa mikuyta ashipäkun.

Tsurinkunapaqpis chunyaq jirkalachömi mikuyta ashipäkun.

6Imanpis mana kaptinmi trïgutapis üvatapis fiyu runapa chakralancho palapakärin.

7Punur qatakunanpaq cämanpis mana kaptinmi qasaylacho wararkärin.

8Jirkakunacho taptin tamya pasaypa shututuylami ushman.

Tsaymi lantukunanpaq qaqakunalaman aywapäkun.

9<

Waktsakunapa imantapis prendami tsarikarkärin.

10<

Trïguta ashtapakurpis pasaypa yarqaykarmi qoyarkärin.

11Yakunaypita wanuykarmi aceitita rurananpaq aceitünasta aqapäkun.

Vïnuta rurananpaqmi üvatapis jarupäkun.

12Markachöpis pasaypa nakatsiptin wanunar manakuptinpis Tayta Dios manami cäsuntsu.

13<

14Wanutsikuq runakunaqa patsa wararkuptinmi waktsakunata wanutsipäkun.

Patsa tsakarpuptinqa suwakuqnami aywapäkun.

15<

Patsa tsakarpuptinqa pipis mana reqinanpaqmi qaqlanta tsapakurkur aywapäkun.

16<

Pipis mana reqinanpaqmi junaqpa pakarpäkun.

17Patsa waränantapis manami munapäkuntsu.

Tsakaypaqa manami pitapis mantsakärintsu.

18<

Chakrankunapis maldicionädu kaptinmi üva chakrankunacho pipis mana arunnatsu.

19Fiyupa usyaptin raju tsulur ushakashqannömi jutsa ruraq runapis wanur ushakanqa.

20Paykunataqa mamanpis qonqaykunmi.

Kurukunami mikur ushanqa.

Yörata mutur ushashqannömi ushapäkunqa.

Tsaymi pipis paykunata mana yarpanqanatsu.

21<

Viüdakunatapis manami yanapantsu.

22Munayniyuq kaptinpis tsay runakunataqa Tayta Diosmi ushakätsinqa.

Paykunaqa manami imanöpapis salvakunqatsu.

23Shonqun yarpashqanno kawananpaq kachaparpis Tayta Diosqa imata rurashqantapis rikaykanmi.

24Fiyu runakunaqa rätulami ali kawapäkun.

Nirkurqa manaraqpis aykälatami elqakäkun.

Achushqa qewanömi wanupäkun.

Achushqa trïgunömi ushakäkun.

25<<¿Tsaynöku o manaku?

Nishqäkunaqa rasunpami kaykan.

Tsawraqa parlashqäta pipis ama manakaqman churatsuntsu>>.