Isaías 42 - Quechua Margos-Yarowilca-Lauricocha Bible（qvm）

Sirviqninpaq Tayta Dios nishqan

1Tayta Dios kaynömi nin:

<

Payta noqami yanapaykä.

Payta noqami akrashqä.

Paypitami kushishqa kaykä.

Espïritütami payman kachamushqä.

Tsaymi maytsay nación runakunatapis ali kawapäkunanpaq yanapanqa.

2<

Cällikunachöpis manami olquraykar purinqatsu.

3Latkishqa shoqushtapis manami pakinqatsu.

Upinaykaq atskitapis manami upitsinqatsu.

Payqa lapantapis alimi juzganqa.

4<

Tsayta manaraq yachatsirqa manami jamaytapis tarinqatsu.

Karu nacioncho taqkunapis pay yachatsishqanta mayaytami munanqa>>.

5Tayta Diosmi jana patsata kamarkur qoylarkunata intërupa mashtamurqan.

Paymi kay patsata y kay patsacho wayuqkunatapis kamarqan.

Paymi runakunatapis kawayta qon.

Paymi sirviqninta kayno nin:

6<

Makipita janchashqa puritsirmi lapancho yanapashayki.

Qamta churashayki Israel runakunawan pactu rurashqäta cumplinaykipaqmi.

Tsaynöpis churashayki maytsay nacionkunapaqpis atski kanaykipaq

Manami ima ïdulutapis adorapäkunanta munätsu.

9Nawpata wilakatsishqänölami lapanpis kashqa.

Kananqa yapaymi imapis pasananpaq kaqkunata wilakaykätsï.

Pipis manaraq musyaptinmi qamkunata musyaykätsï>>.

Salvakuq kashqanpita Tayta Diosta alabashqan

10Mushuq alabanzata cantar Tayta Diosta alabapäkuy.

Mayjina karucho taqkunapis payta alabapäkutsun.

Lamar jananpa büquiwan pasaqkunapis payta alabapäkutsun.

Lamar rurincho kawaqkunapis payta alabapäkutsun.

Costacho taqkunapis payta alabapäkutsun.

11Tsaki jirkacho kaykaq markakunapis alabapäkutsun.

Cedar runakunapis alabapäkutsun.

Sela markacho taq runakunapis alabapäkutsun.

Maytsaymanpis mayakänanpaq jirka puntanman witsarkur alabapäkutsun.

Kushikuypita alabapäkutsun.

12Costacho kaykaq markakunachöpis Tayta Diosta alabapäkutsun.

13 Tayta Diosqa ali chölu soldädunömi pelyananpaq shamunqa.

Qaparar atacashpanmi contrankunata ushakäratsinqa.

14Tayta Dios kaynömi nin:

<

Chikiqninkuna nakatsiptin manakamaptinpis manami imatapis rimakushqätsu.

Kananmi itsanqa kuyashqä runakunata contrankunapita salvashaq.

Warmi wachar qaparashqannömi qaparäshaq.

15Paykunata salvar nacionninman kutitsinäpaqmi jirkakunatapis jirkankunatapis ushakätsishaq.

Tsaycho winaq yörakunatapis lapantami tsakitsishaq.

Mayukunatapis chunyaq tsaki jirkamanmi tikratsishaq.

Qochakunatapis tsaki alpamanmi tikratsishaq.

16<

Imaypis mana purishqan nänipami puritsishaq.

Paykuna aywananpaq tsakaytapis atsikyaqmanmi tikratsishaq.

Mana ali nänitapis shumaqmi pampatsashaq.

Tsaykunata rasunpami rurashaq.

17<

Ïdulukuna diosnin kashqanta yarparpis pasaypa penqakushqami aywakärinqa.Israel runakuna mana tantiyakuq kashqan

18<

Upano karpis nishqäta cäsukäriy.

Qaprano karpis shumaq rikapäkuy.

19Sirvimaqnï karpis qamkunaqa qaprapitapis mas qaprami karkaykanki.

Wilakuqnï karpis qamkunaqa upapitapis mas upami karkaykanki.

20Ima pasashqanta rikarpis manami yarpachakärinkitsu.

Nishqäkunata mayaykarpis manami tantiyapäkunkitsu>>.

21Salvakuq karmi Tayta Dios munan kuyashqan runakuna leyninkunata shumaq yachakur cäsukunanta.

22Tsayno kaptinpis manami cäsukushqatsu.

Tsaymi Tayta Dios castigar paykunata suwapänanpaq contran runakunata kacharqan.

Kananqa contrankunata mantsakurmi wakinqa machaykunaman pakakärin.

Wakinnami calapösucho wichqarpaykan.

Prësu apakäriptin manami pipis kantsu michänanpaq.

Lapan imaykankunata apakäriptinpis manami pipis kantsu qechüshinanpaq.

23Tsayno kaykaptinpis ¿mayqalaykiqa imapita nakashqaykitapis tantiyakunkitsuraq?

Wara warantinkuna ima pasananpaq kashqanta tantiyakur ¿mayqalaykiqa cäsukunkitsuraq?

24¿Pitaq kamakätsishqa chikimaqnintsikuna vincimashpantsi imaykantsikunatapis apakunanpaq?

Tsayno pasamänantsipaq Tayta Diosmi kamakätsishqa.

Jutsata rurarmi payta rabyanätsishqantsi.

Yätsishqankunatapis y mandamientunkunatapis mana cäsukuypami kawashqantsi.

25Tsaymi fiyupa rabyashpan soldädukunata Tayta Dios kachamushqa atacamänantsipaq.

Tsay soldädukunami imaykantsitapis rupatsipäkushqa.

Tsayno kaptinpis manami tantiyakushqantsitsu.

Nina ushamaptintsipis manami cäsukärishqantsitsu.