1< Arupakuq runanömi waran waran nakan. 2Shanaycho arur ashmay runa lantukuyta munashqannömi kaykan. Tsaynöpis arupakuq runa pägunta shuyaraqnömi kaykan. 3< Tsakaykunapis nanaywan qochpaykälarmi wararkü. 4Cämächo jitararpis kaynömi nï: ¿Imay höraraq patsapis waraykunqa? Wakman kayman tikrapakur qochpaptïpis patsa manami warantsu. Nakashqäpita yarpachakuykälarmi wararküpis. 5< Intëru cuerpüpitami esquylana yarquykan. 6Kawaynïqa kaykan telarcho awaq runa lanzadërata pasatsiptin rasla pasaqnömi. Kawanäpaq kashqantapis mananami yarpänatsu. 7< Mananami imaypis kushishqa kawashaqnatsu. 8Wara warantinkuna wanuptï manami pipis rikamanqatsu. Rikamayta munaptikipis manami kashaqnatsu. 9< Pamparashqanpitaqa manami pipis sharkamunqanatsu. 10Wanuqkunaqa imaypis manami wayinman kutinqanatsu. Watakuna pasaptin aylunkunapis qonqaykunnami. 11Tsayno kaykaptinqa manami upälakushaqtsu. Pasaypa lakikur lapan yarpashqäkunatami parlashaq. 12< ¿Lamarno kashqäta yarparku tsayno tumapaykämanki? ¿Lamarcho mantsakuypaq uywa kashqätaku yarpaykanki? 13Aybësis punur yarpachakü manana nakanäpaq kashqantami. Tsaynöpis yarpä punurqa lakikuytapis qonqanäpaq kashqantami. 14Tsayno yarpaptïpis punuykaptï almawanmi nititsimanki. Mantsakuypaq kaqkunatami sueñupäkatsimanki. 15Tsayno nakatsimänaykipa trukanqa alimi kanman jukla jurkaramaptiki. 16¡Manami kawaytapis munänatsu! ¡Imapaqnataq kawashaqpis! Jämayno ushakaqla kaykaptïqa amana nakatsimaynatsu. 17< ¿Imanirtaq runapaq pasaypa yarpachakunki? 18¿Imanirtaq waran waran rikapaykanki? ¿Imanirtaq cadala probaykanki? 19Noqataqa mana kachaypami cuidaraykämanki. Toqaynïta ultanalätapis manami kachapämankitsu. 20< Kayjinanpa nakatsimaptiki manami awantänatsu. 21Wanukunäpaqna kaykaptïqa ¿imanirtaq jutsa rurashqäkunata perdonamankitsu? Wanuptïqa perdonamänaykipaq ashimarpis manami tarimankipaqnatsu>>.
Who We AreWhat We EelieveWhat We Do
2025 by iamachristian.org,Inc All rights reserved.
