Hechos 25 - Quechua Margos-Yarowilca-Lauricocha Bible（qvm）

Festupa nawpancho Pablo parlashqan

1Judea provinciapa gobernadornin kananpaq Cesareaman chayashqanpita kimsa junaqtami Jerusalénman Festo aywarqan.

2Chayaykuptinmi mandaq cürakuna y Israelcho mas mandaq autoridäkunapis Pabluta quejarqan.

3Tsaynöpis ruwakärirqan Pabluta Jerusalénman apatsinanpaq. Paykunaqa yarpapäkurqan aparkaykaptilan Pabluta wanutsiytami.

4Tsaymi Festo kayno nirqan: <

5Tsayman wakinnikiwan aywashun ima jutsan kashqantapis careapäkunaykipaq>>.

6Jerusaléncho juk semänano qoyarkurmi Festuqa Cesareaman kutikurqan. Chayashqanpita jukaqnin junaqmi despächunman jamaykur Pabluta jorqatsimurqan.

7Pablo yaykuriptinmi Jerusalénpita aywaq Israel runakuna juntapaykur tukuynöpa tumparqan. Tsayno tumpaptinpis nishqankuna manami rasunpatsu karqan.

8Tsawraqa Pablo kayno nirqan: < contranpis manami imatapis rurashqätsu>>.

9Festunami Israel runakunawan ali rikanakuyta munar Pabluta tapurqan kayno nir: <<¿Jerusalénman aywayta munankiku tsaycho juzganäpaq?>>

10Tsaymi Pablo kayno nirqan: <

11Wanutsishqa kanäpaqno jutsata rurashqa karqa jina wanushaqpis. Israel runakunapa contran imatapis mana rurashqa kaykaptïqa manami pipis paykunapa makinman entregamanmantsu. Tsaypa trukanqa Romacho mandaq César juzgamätsun>>.

12Tsayno niptinmi yätsiqninkunawan Festo wilanakurir Pabluta kayno nirqan: <>.

Rey Agripapa nawpancho Pablo kashqan

13Tsaypita walka junaqlatanami warmin Bereniciwan rey Agripa Cesareaman chayarqan Festo watukuq.

14Atska junaq qoyaptinmi Pablo wichqaraykashqanta Festo wilaparqan kayno nir: <

15Jerusalénman aywaptïmi mandaq cürakuna y Israel mayor runakunapis manakamashqa tsay runa wanutsishqa kananpaq.

16Tsaymi kayno nishqä: .

17<

18Tsaycho contrankuna manami imatapis nipäkurqantsu noqa yarpashqänöqa.

19Tsaypa trukanqa nipäkurqan costumbrinkunata manakaqman churashqalantami. Tsaynöpis rimanakushqa wanushqana kaykaq Jesús jutiyuq runapitami. Pablo niykan tsay runa kawaykashqantami.

20Imano juzgaytapis mana kamäpakurmi Pabluta kayno tapurqä: <¿Jerusalénman aywashwanku tsaycho arreglanäpaq?>

21Jerusalénman aywayta mana munarmi manakamashqa mandamaqnintsi César arreglananpaq. Tsawraqa Césarman apatsinäyaq jinalancho prësu kaykan>>.

22Tsayno wilaptinmi Agripa kayno nirqan: <>.

Tsawraqa Festo kayno nirqan: <>.

23Tsaypita jukaqnin junaqmi Agripa, Berenice, comandantikuna y lapan autoridäkunapis juntakänan jatun cuartuman yaykapäkurqan. Tsaymanmi Pabluta Festo jorqatsimurqan.

24Tsaychömi Festo kayno nirqan: <

25Paykuna tsayno munaptinpis wanutsishqa kananpaq manami ima jutsantapis tarishqätsu. Romacho mandamaqnintsi César arreglananpaq kay runa manakamaptinqa Romaman apatsinäpaqmi kaykä.

26Romaman manaraq apatsir cartata qelqäman imanir apatsishqätapis César musyananpaq. Itsanqa manami shumaq musyätsu imata qelqanäpaqpis. Tayta rey Agripa, warmiki ishkayki yanapaykalämay Pabluta shumaq tapurkur mandaq Césarman imata qelqanäpaqpis.

27¿Imanöpataq prësuta Césarman apatsishwan imanir apatsishqantsitapis shumaq mana wilarqa?>>