1Tsaynöpis acacia qerupitami sacrificiuta rupatsina altarta Bezaleel rurarqan. Tsay altarpa anchunpis largunpis karqan ishkay metru ishkay chunka pitsqa centïmetru (2.25). Altunnami karqan juk metru ishkay chunka pitsqa centïmetru (1.25).
2Chuskun esquïnankunacho waqratano rurarqan. Tsay waqrakuna karqan altarwan tsay piëzalami. Altarpa jananta y rurinta bronciwan enchaparqan.
3Tsaynölami altarpaq uchpa shuntakunata, tenäzakunata, trinchikunata, tazonkunata, kanalakunata y lapan manëjukunatapis broncipita rurarqan.
4Tsaynöla rejïllantapis broncipita rurarkur altar rurinman churarqan. Tsayno churaptinmi tsay rejïlla quëdarqan altarpa pulannincho.
5Tsaynöpis chusku argöllakunata broncipita fundirkur rejïllapa chuskun esquïnaman tanaparqan. Tsay argöllakunami karqan umrukunan qerukunata pasatsinanpaq.
6Altar wintukuna ishkay qerukunata acaciapita rurarkurmi bronciwan enchaparqan.
7Tsay qerukunatami altarpa ishkan läducho kaykaq argöllankunapa pasatsirqan wintupäkunanpaq. Tsay altarqa karqan tablapita rurashqa tsapanaynaqmi.
Broncipita lavatoriuta rurashqan Éxodo 30.188Maylakärinanpaqmi lavatoriutapis jamakunantinta broncipita rurarqan.Sagrädu Toldupa patiunta rurashqan Éxodo 27.9-19
9Tsaynölami Tinkuna Toldupa patiuntapis rurarqan. Tsay patiuta jiruruypa tsaparänanpaq cortïnata awarqan llanula putskashqa lïnu hïlupita. Sur kaq lädunpami largun karqan chusku chunka pitsqa (45) metru.
10Patiupa cada lädunpaqmi ishkay chunka (20) tushakunata broncipita rurarqan. Tushakunapa jawiräkunantapis rurarqan broncipita ishkay chunkata. Ganchunkunata y argöllankunata qellaypitami rurarqan.
11Norti kaq lädunpapis patiupa cortïnan karqan chusku chunka pitsqa (45) metru. Tushankunatapis y jawiräkunantapis broncipita ishkay chunkatami (20) rurarqan. Ganchunkunata y argöllankunatapis qellaypitami rurarqan.
12Inti jeqanan kaq lädunpami cortïnapa largun karqan ishkay chunka ishkay metru pulan (22.5). Tushankunatapis y jawiräkunantapis chunkatami rurarqan. Ganchunkunata y argöllankunatapis qellaypitami rurarqan.
13Inti jeqamunan kaq lädunpami cortïnapa largun karqan ishkay chunka ishkay metru pulan (22.5).
14Tsay lädupami punku karqan. Punkupita itsuq kaq lädupa karqan qanchis metru cortïna. Cortïnata tsararänanpaqmi rurarqan kimsa tushakunata cada ünun jawiräkunantinta.
15Tsaynöla punkupita alawqa kaq lädumanpis churarqan qanchis metru cortïnata. Tsay cortïnata tsararänanpaqmi rurarqan kimsa tushakunata cada ünun jawiräkunantinta.
16Patiupa tumariq lapan cortïnakunaqa karqan llanula putskashqa lïnu hïlupitami.
17Patiucho kaykaq lapan tushakunapa jawiräkunan broncipitami karqan. Cortïnata tsaritsinanpaq ganchunkunapis y argöllankunapis qellaypita rurashqami karqan. Tushakunapa puntankunapis qellaywan enchapashqami karqan. Patiupa lapan tushankunapa argöllankunapis qellaypitami karqan.
18Patiupa punkunta tsaparaq cortïnata rurarqan llanula putskashqa lïnu hïlupita y azul, granäti y puka milwa hïlupita. Tsay cortïna kuyaylapaq kananpaq shumaq bordapäkurqan. Largun karqan isqun metrumi. Patiupa wakin cortïnankunanömi tsay cortïnapapis anchun karqan ishkay metru ishkay chunka pitsqa centïmetru (2.25).
19Tsay punkupaqqa chusku tushankunata jawiräkunantinta broncipita rurarqan. Cortïnata tsararänanpaqmi ganchunkuna y argöllankuna qellaypita karqan. Tushakunapa puntantapis qellaywanmi enchaparqan.
20Sagrädu Tolduta ichitsinanpaq estäcankuna y patiupa tushankunapa estäcankunapis broncipitami karqan.
Sagrädu Tolduta rurapäkunanpaq aykata shuntashqanpis21Tsaypitami Aarónpa tsurin Itamarta Moisés kayno nirqan: <
Nishqannölami ayka shuntashqantapis listata rurapäkurqan.
22Judá trïbupita Uripa tsurin y Hurpa wilkan Bezaleelqa lapantapis rurarqan Moisésta Tayta Dios nishqannölami.
23Bezaleelta yanaparqan Ahisamacpa tsurin Aholiab. Aholiab karqan Dan trïbupitami. Payqa shumaqmi yacharqan imatapis kuyaylapaqkunata rurananpaq. Tsaynöpis yacharqan azul, granäti y puka milwa hïlupita y llanula putskashqa lïnu hïlupita imatapis bordayta.
24Tinkuna Sagrädu Tolduta y manëjunkunata rurananpaq runakuna apashqan qori karqan isqun pachak soqta chunka pitsqa (965) kïlu kimsa chunka (30) grämumi. Tsaykunata pësarqan Tinkuna Sagrädu Tolducho kaykaq pësakunawanmi.
25Qellayta shuntashqanmi karqan kimsa waranqa kimsa pachak chunka isqun (3,319) kïlu pitsqa pachak ishkay chunka pitsqa (525) grämumi. Tsaykunataqa pësarqan Tinkuna Sagrädu Tolducho kaykaq pësakunawan. Tsay shuntashqan qellay karqan censashqa kaqkuna pägashqanmi.Éxo. 30.11-16.
26Ishkay chunka (20) watayuqpita janamanmi runakunata censarqan. Tsaymi lapan censashqankuna karqan soqta pachak kimsa waranqa pitsqa pachak pitsqa chunka (603,550) runakuna. Cada ünun pägarqan pulan siclo qellayta. Tsaykunata pësarqan Tinkuna Sagrädu Tolducho kaykaq pësakunawan.Éxo. 30.11-16; Mat. 17.24.
27Tsay shuntashqan qellaymi karqan kimsa waranqa kimsa pachak (3,300) kïlu. Tsay qellaywanmi Tinkuna Toldupa marcunkunapa jawiräkunanta y rurincho kaq cortïnata tsararaq tushakunapa jawiräkunantapis rurarqan. Pachaktami (100) tsay jawiräkunanta fundirqan. Tsaymi cada jawiräkunanta fundirqan kimsa chunka kimsa (33) kïlu qellaypita.
28Wakin kaq qellaywanmi rurapäkurqan patiupa cortïnanta tsararänanpaq ganchunkunata y tushakunapa puntancho argöllakunata. Tsaynöpis tsay qellaywanmi tushakunapa puntanta enchaparqan.
29Tinkuna Sagrädu Toldupaq apashqan broncipis karqan ishkay waranqa kimsa pachak kimsa chunka soqta (2,336) kïlumi y chusku pachak (400) grämumi.
30Tsay apashqan broncipitami rurarqan Tinkuna Toldu punkun ichiraq tushakunapa jawiräkunanta, altarta, altarpa rejïllanta y altarpa manëjunkunatapis.
31Tsaynöpis broncipitami rurarqan Sagrädu Toldu patiuta tumariq tushakunapa jawiräkunanta y punkupa tushankunapa jawiräkunantapis. Tsaynöpis broncipitami rurarqan Sagrädu Toldupa y patiunpa tushankunata tsararaq estäcankunatapis.
Who We AreWhat We EelieveWhat We Do
2025 by iamachristian.org,Inc All rights reserved.
