2 Reyes 16 - Quechua Margos-Yarowilca-Lauricocha Bible（qvm）

Judá nacioncho Acaz rey kashqan 2 Crónicas 28.1-27

1Chunka qanchis wata Israel nacioncho Remalíaspa tsurin Peka rey kaykaptinmi Judá nacioncho Jotampa tsurin Acaz mandayta qalaykurqan.

2Mandayta qalaykushqan witsan ishkay chunka (20) watayuqmi kaykarqan. Payqa chunka soqta watami Jerusalénpita mandarqan.

Acazqa manami unay aylun Davidnötsu Tayta Dios munashqanta rurarqan.

3Tsaypa trukanqa Israel nación reykunanömi juk dioskunata adorarqan. Tsaymi Canaáncho taq unay runakunapa mana ali costumbrinkunata rurar sacrificiupaq tsurintapis altarcho rupatsirqan. Tsaynöpami Tayta Dios unay qarqushqan mana Israel runakunano pasaypa jutsata rurarqan.

6Tsaynöpis Acaz mandashqan witsanmi Judá runakunata Elat markapita Edom nacionpa mandaqnin rey qarqurqan. Nirkurmi Elat markata shuntarqan Edom nacionpana kananpaq. Tsaypita patsami edomita runakuna kananyaq tsaycho tarkaykan.

7Siria runakuna y Israel runakuna atacaptinmi rey Acazqa kachakunata kacharqan Asiria nacionpa mandaqnin rey Tiglat-pileserman soldädunkunawan shamur yanapananpaq. Chayaykurmi Tiglat-pileserta kayno nipäkurqan: <>.

8Asiria nacionpa mandaqnin reyta pägananpaqmi rey Acazqa Tayta Diospa wayinpita y palaciupitapis qellayta y qorita jorqurir kachakunawan apatsirqan.

9Acaz apatsishqankunata chaskirkurmi Asiria nacionpa mandaqnin rey soldädunkunawan Siria nacionpa capitalnin Damascuta atacananpaq aywarqan. Damascuman yaykuykurmi rey Rezínta wanutsirqan. Nirkurmi runakunata prësu apapäkurqan Kir markaman tsaychöna tänanpaq.

10Tsaypitanami rey Acazqa Damascuman aywarqan Asiria nacionpa mandaqnin rey Tiglat-pileserwan tinkunanpaq. Damascuman chayaykurmi rikarqan kuyaylapaq altarta. Tsaytami imano kashqantapis shumaq dibujaykur Urías cüraman apatsirqan.

11Tsayta chaskirkurmi cüra Uríasqa altarta ruratsirqan rey Acaz apatsishqan dibüjutano. Altarta ruratsiyta usharqan rey Acaz Damascupita manaraq kutiptinmi.

12Damascupita kutirnami mushuq altar rurashqatana tariykur tsay altarcho sacrificiukunata rupatsirqan.

13Sacrificiuta rupatsirmi tsaki mikuykunatapis tsay altarcho rupatsirqan y vïnutapis tsay altarman winaparqan. Tsaynölami jawka kawakuy sacrificiukunata rupatsinanpaq uywakunata pishtarkur yawarninta altar jananman tsaqtsuparqan.

14Tsayno rurarkurmi broncipita rurashqa unay kaq altartaÉxo. 27.1-2; 2Crón. 4.1. wititsirqan Tayta Diospa templun nawpancho kaykashqanpita mushuq kaq altarpa norti kaq lädunman.

15Nirkurmi cüra Uríasta rey Acaz kayno nirqan: <>.

16Cüra Urías lapanta rurarqan rey Acaz nishqannölami.

17Nirkurnami rey Acazqa templupa carrëtankunacho kaykaq lavatoriunkunata y carrëtacho clävaraykaq tablakunatapis jorqutsirqan. Tsaynöpis broncipita rurashqa törukuna janancho1Rey. 7.23-39; 2Crón. 4.2-6. kaykaq lamar nishqan lavatoriuta jorqurkatsir rumikuna jananmanna jamatsirqan.

18Tsaynöpis Asiria nacionpa mandaqnin reypa gustunta rurarmi jamay junaqcho Tayta Diosta adorananpaq armashqan tabladïlluta jorqutsirqan. Tsay tabladïlluqa templu patiuchömi karqan. Tsaynölami jorqutsirqan templu patiuman reykunala yaykukunan punkutapis.

19Rey Acaz imata rurashqanpis lapanmi qelqaraykan Judá nacionpa mandaqnin reykunapa acta libruncho.

20WanuykuptinmiIsa. 14.28. Davidpa Markancho unay aylunkuna pamparaykashqan kaqman pampapäkurqan. Acazpa trukannami tsurin Ezequías rey karqan.