1 1 (1b) Tayta Dios, chikimaqnïkunapa contran sharkuykulay.
Atacamaqkunata atacaykulay.
2Escüduykita aptakurkur shamushpayki yanapaykalämay.
3Chikimar qatikachämaqkunata lanzaykiwan atacaykulay.
Salvamaqnï kashqaykita musyaykatsilämay.
4Wanutsimayta munaqkuna penqaytukushqa aywakäritsun.
Atacamayta munaqkuna penqaytukushqa qeshpikäritsun.
5Paykunaqa punshata wayra apashqanno maytsaypapis mashtakashqa kaykulätsun.
Tayta Diospa angilnin maytsaypapis qarquykulätsun.
6Imaypis tsakaypa purir lutskakaqno kaykulätsun.
Tayta Diospa angilnin qatikachätsun.
7Chikimaqnïkunata achäquita manami ashipashqätsu.
Tsayno kaykaptïpis desgracia pasamänantami munarkaykan.
8Tsayno kashqanpita kikinkunata desgracia pasaykulätsun.
Trampata churashqanmanpis kikinkuna ishkitsun.
9 Tayta Dios yanapamaptinmi pasaypa kushikü.
Salvamaptinmi payta kushishqa alabä.
10Lapan shonqüwanmi kayno nishaq:
<
Munayniyuq runakunapa makinpitami nakaykaqkunata jorqunki.
Nakatsishqanpita yarqunanpaqmi yanapanki>>.
11Lula testïgukunami manakaqta jitapämar mana musyashqäkunata tapuman.
12Paykunata yanapaykaptïpis conträ sharkuptinmi pasaypa lakikü.
13Paykuna qeshyaptin noqaqa pasaypa lakikur qachqa röpata jatikuq kä.
Aliyänanpaqmi ayunar Tayta Diosta shonqulächo imaypis manakuq kä.
14Mamä, amïgü o wawqï wanuptin lütur lakikuqnömi lakikuq kä.
15Paykunami itsanqa desgracia pasamaptin pasaypa asipämarqan.
Jäpa runatanömi cadala mana ali rikapäkamarqan.
16Asipämashpan manakaqmanmi churapäkamarqan.
Nanaq nawinpami rikapäkamarqan.
17 Tayta Dios, ¡imayyaqraq paykuna tsayno nakatsimänanpaq kachapanki!
Tsay qaparaykaq leonkunapita salvaykalämay.
18Salvamaptikimi qamman yärakamuq runakuna juntakashqancho agradëcikushayki.
Tsaytsika runakunapa nawpanchömi alabashayki.
19Conträ runakuna ama kushipämätsuntsu.
Manakaqpita chikimaqnïkuna nanaq nawinwan rikapaykämätsuntsu.
20Paykunaqa manami munantsu runakuna ali kawananta.
Jawkala kawaq runakunata mana ali kawayman churananpaqmi yarpachakurkaykan.
21Makinta paqchirraqmi asipäman kayno nir: <<¡Benëchu rikaykämi ima pasashqantapis!>>
22Tsaykunata lapantami rikashqanki, Tayta Dios.
Favornï sharkuykulay.
Ama kachaykalämaytsu.
23Jukla yanapaykalämay.
Tsapämashpayki paykunata juzgaykulay.
24Ali juez kaptikimi ruwakulä defiendimänaykipaq.
Makitsakamänanta ama kachapaykulaytsu.
25Desgracia pasamänanta yarpaylapis ama yarpapäkutsuntsu.
Tsaynöpis ama kayno nipäkutsuntsu: <
26Desgracia pasamashqanpita kushikuqkuna pasaypa penqakushqa puriykulätsun.
Manakaqman churamar runa tukuqkunataqa pïmaypis jamurpaykulätsun.
27Favornï sharkuqkunaqa shumaq kushikäritsun.
Lapanpaq munayniyuq kashqaykipita imaypis alabaykuläshunki.
Yanapamashqaykita imaypis tantiyaykulätsun.
28Chikimaqnïkunapita ali defiendimashqaykipitami pïmaytapis wilapäshaq.
Mana ajayaypami imaypis alabashayki.
Who We AreWhat We EelieveWhat We Do
2025 by iamachristian.org,Inc All rights reserved.
