Romanos 8 - Quechua Margos-Yarowilca-Lauricocha Bible（qvm）

Espíritu Santupa munaynincho kawanantsipaq nishqan

1Tsaymi Jesucristucho kaqkunaqa mana condenashqatsu kanqa.

2Jutsa ruraypa munaynincho kashqantsipitami Espíritu Santu jorqamashqantsi. Jutsa ruraypa munaynincho wanushqano karpis Jesucristo salvamaptintsimi ali kawaytana tarintsi.

3Jutsa ruraypa munaynincho kaptintsimi Tayta Diospa leyninkuna mana salvamarqantsitsu. Tsayno kaptinmi Tsurin Jesucristuta Tayta Dios kachamurqan noqantsino runa kananpaq. Paymi sacrificiupaq apapäkushqan uywano noqantsi rayku wanurqan. Tsaynöpami Tayta Dios salvamashqantsi jutsa ruraypa munaynincho kashqantsipita.

4Salvamashpantsimi leyninkunata cumpliqtanöna Tayta Dios chaskimantsi. Tsaymi jutsata rurar kawanantsipa trukanqa Espíritu Santu tantiyatsimashqantsinöna kawaykantsi.

5Jutsa ruraypa munaynincho kawaqkunaqa shonqun munashqanta rurananpaqmi yarpachakärin. Espíritu Santupa munaynincho kawaqkunami itsanqa Espíritu Santu tantiyatsishqanno kawananpaq yarpachakärin.

6Jutsa ruraypa munaynincho kawaqkunaqa manami Tayta Diospa nawpanman imaypis chayanqatsu. Espíritu Santupa munaynincho kawaqkunami itsanqa Tayta Diospa nawpancho imayyaqpis kushishqa kawapäkunqapaq.

7Jutsa ruraypa munaynincho kawaqkunaqa Tayta Diospa contran karmi leyninkuna nishqanno kawayta munapäkuntsu ni kamäpakunpistsu.

8Yapaymi nï: Tsay runakunaqa manami Tayta Dios munashqanno kawayta kamäpakuntsu.

9Noqantsimi itsanqa jutsa ruraypa munayninchönatsu kawaykantsi. Tayta Diospa Espïritun noqantsicho kaptinmi paypa munayninchöna kawaykantsi. Jesucristupa Espïritun noqantsicho mana kaptinqa manami Jesucristupatsu kaykantsi.

10Jesucristo noqantsicho kaptinmi perdonashqana kaykantsi. Tsaymi jutsata rurashqantsipita wanunantsipaq kaptinpis Espíritu Santu kawayta qomantsi.

11Tayta Diospa Espïritun noqantsicho kaptinmi

16Kikin Espíritu Santumi tantiyaykätsimantsi Diospa wamran kashqantsita.

17Tayta Diospa wamran karmi pay promitishqan herenciata Jesucristo chaskishqanno noqantsipis chaskishunpaq. Imano nakarpis Jesucristuman yärakurqa paywanmi gloriacho kawashunpaq.

Lapanpis mushuqman tikrananpaq nishqan

18Kay patsacho nakashqantsikunaqa rätulami kaykan. Gloriacho kushikunantsipaq kashqanmi itsanqa imayyaqpis mana ushakaq kanqa. Tsaytaqa lapan shonqüwanmi criyï.

19Tsayno kaptinmi Tayta Dios wamrankunata nawpanman shuntananta lapan kamashqankuna shuyarpaykan.

20Shuyashqanyaqqa pay kamashqankuna maldicionädumi kaykan. Manami kikinpitatsu maldicionädu kaykan, sinöqa Tayta Dios maldicionashqanpitami. shuyarpaykantsi cuerpuntsitapis mushuqmanna tikratsinanpaq.

24Mushuqman tikratsimänantsipaqmi Tayta Dios salvamashqantsi. Itsanqa tsay höra manami chayamunraqtsu. Mushuqman tikratsishqana kaykarqa ¿imatanataq shuyarashwan?

25Mushuqman manaraq tikrarmi imano nakarpis shuyaraykantsi.

26Tayta Diosta manakurpis manami shumaqlaqa kamäpakuntsitsu pay munashqanno manakuyta. Tsayno kaptintsimi Espíritu Santu Tayta Diosta waqapaypa favornintsi ruwakun.

27Ruwakurmi Tayta Dios munashqannöla imaypis manakun. Espíritu Santu noqantsipaq manakushqankunata Tayta Dios musyanmi. Payqa shonquntsi imata yarpashqankunatapis musyanmi.

Tayta Dios kuyamashqantsita pipis mana michänanpaq nishqan

28Musyantsimi ima pasaptinpis Tayta Diosta kuyaqkunapaqqa lapanpis ali kananpaq kashqanta. Paykunataqa Tayta Dios qayarqan kikin munashqanno kananpaqmi.

29Unaypita patsa reqirmi destinarqan Tsurin Jesucristuno kananpaq. Tsaynöpami Jesucristuqa lapan yärakuqkunapa mayor wawqin kaykan.

30Destinashqan kaqkunatami Tayta Dios qayarqan. Qayashqan kaqkunatami perdonarqan. Perdonashqan kaqkunatanami gloriaman pushanqa.

31Tsayno kaykaptinqa ¿imatanataq munashun? Tayta Dios favornintsi kaykaptinqa ¿pitaq contrantsi sharkunqa?

32Noqantsi rayku wanunanpaq kuyay Tsurintapis kachaykämurqa ¿manatsuraq lapan promitimashqantsitapis paywan Tayta Dios cumplinqa?

33Kikin Tayta Dios akraykämaptintsiqa y jutsa rurashqantsikunata perdonaykämaptintsiqa ¿piraq nawpancho acusamäshun?

34Jesucristo wanushqanpita kawarirkamur Tayta Diospa alawqa kaq nawpancho jamashpan favornintsi parlaykaptinqa ¿piraq castigashqa kanantsipaq ninqa?

35Jesucristupa kuyakuyninpita ¿piraq rakimäshun? Payqa kuyamantsimi nakaptintsipis, lakikuptintsipis, runakuna chikimaptintsipis, yarqanaptintsipis, röpaynaq kaptintsipis, peligrucho kaptintsipis y runakuna wanutsimaptintsipis.

36Tayta Diospa palabranchöpis kaynömi qelqaraykan:

<

Pishtananpaq kaq uyshanömi karkaykä>>.

37Tsaykuna pasamaptintsipis Tayta Dios kuyamaptintsimi kushishqa imaypis yärakuykantsi.

38Tayta Dios kuyamantsimi kawaptintsipis, wanuptintsipis, ima pasamaptintsipis y ima pasamänantsipaq kaptinpis. Tsaymi angilkunapis, ni supaykunapis, ni ima munayniyuq kaqkunapis,

39ni jana patsacho kaqkunapis, ni patsa rurincho kaqkunapis, ni Tayta Dios ima kamashqankunapis paypa kuyakuyninpita mana rakimäshuntsu. Tsayno kuyamashqantsita tantiyatsimashqantsi noqantsi rayku wanunanpaq Señornintsi Jesucristuta kachamurmi.