Números 1 - Quechua Margos-Yarowilca-Lauricocha Bible（qvm）

Israel runakunata Sinaí jirkacho censashqan

1Israel runakuna Egiptupita yarqamushqan juk wata y juk killa pasarkuptinmi Sinaí chunyaq jirkacho karkaykarqan. Tsay junaqmi Tinkuna Tolducho Moisésta Tayta Dios kayno nirqan:

2<

3Censashpayki ishkay chunka (20) watayuqpita janaman jutinkunata apuntapäkuy. Tsay runakunaqa guërraman aywapäkunanpaq kalpanchönami karkaykan. Censaychöqa Aarónmi yanapashunki.

4Tsaynöpis cada trïbupita juk mandaqta churanki censayta yanapashunaykipaq.

5Paykuna kanqa:

Rubén trïbupita Sedeurpa tsurin Elisur,

6Simeón trïbupita Zurisadaipa tsurin Selumiel,

7Judá trïbupita Aminadabpa tsurin Naasón,

8Isacar trïbupita Zuarpa tsurin Natanael,

9Zabulón trïbupita Helónpa tsurin Eliab,

10Efraín trïbupita Amiudpa tsurin Elisama,

Manasés trïbupita Pedasurpa tsurin Gamaliel (Efraín y Manasésqa karqan Josépa tsurinkunami),

11Benjamín trïbupita Gedeonipa tsurin Abidán,

12Dan trïbupita Amisadaipa tsurin Ahiezer,

13Aser trïbupita Ocránpa tsurin Pagiel,

14Gad trïbupita Reuelpa tsurin Eliasaf

15y Neftalí trïbupita Enánpa tsurin Ahira>>.

16 Tayta Dios nishqannölami cada trïbupita tsay mandaq runakunata Moisés akrarqan censayta yanapananpaq.

17Tsay akrashqan runakunawan Moisés y Aarón juntakaykurmi

18lapan Israel runakunata qayatsirqan. Tsay juntakashqan junaqmi karqan ishkay kaq killa qalaykunan junaq. Tsaychömi Israel runakunata aylunpa aylunpa y castanpa castanpa censapäkurqan. Tsayno censarmi ishkay chunka (20) watayuqpita janaman olqu kaqkunata padrunarqan.

19Tayta Dios nishqannöla Sinaí chunyaq jirkacho lapan olqu kaqkunata Moisés censatsirqan.

20-21Cada ünunpa jutinta apuntarmi aylunpa aylunpa y castanpa castanpa censapäkurqan. Tsaynöpami musyapäkurqan ishkay chunka (20) watayuqpita janaman ayka olqu runakuna kashqanta. Tsay runakunaqa guërraman aywapäkunanpaq kalpanchönami karqan.

Israelpa qechpa tsurin Rubén trïbupitami karqan chusku chunka soqta waranqa pitsqa pachak (46,500) runakuna.

22-23Simeón trïbupitami karqan pitsqa chunka isqun waranqa kimsa pachak (59,300) runakuna.

24-25Gad trïbupitami karqan chusku chunka pitsqa waranqa soqta pachak pitsqa chunka (45,650) runakuna.

26-27Judá trïbupitami karqan qanchis chunka chusku waranqa soqta pachak (74,600) runakuna.

28-29Isacar trïbupitami karqan pitsqa chunka chusku waranqa chusku pachak (54,400) runakuna.

30-31Zabulón trïbupitami karqan pitsqa chunka qanchis waranqa chusku pachak (57,400) runakuna.

32-33Josépa tsurin Efraín trïbupitami karqan chusku chunka waranqa pitsqa pachak (40,500) runakuna.

34-35Josépa tsurin Manasés trïbupitami karqan kimsa chunka ishkay waranqa ishkay pachak (32,200) runakuna.

36-37Benjamín trïbupitami karqan kimsa chunka pitsqa waranqa chusku pachak (35,400) runakuna.

38-39Dan trïbupitami karqan soqta chunka ishkay waranqa qanchis pachak (62,700) runakuna.

40-41Aser trïbupitami karqan chusku chunka juk waranqa pitsqa pachak (41,500) runakuna.

42-43Neftalí trïbupitami karqan pitsqa chunka kimsa waranqa chusku pachak (53,400) runakuna.

44Paykunatami Moisés, Aarón y chunka ishkay mandaq Israel runakuna censapäkurqan. Tsay mandaq runakunaqa cada trïbupita jukmi karqan.

45Paykuna censapäkurqan ishkay chunka (20) watayuqpita janamanmi. Censashqan runakunaqa guërraman aywapäkunanpaq kalpanchönami karkaykarqan.

46Aylunpa aylunpa censapäkushqan runakunami karqan soqta pachak kimsa waranqa pitsqa pachak pitsqa chunka (603,550) runakuna.

Levitakunata mana censashqan

47Israel runakunata censar levitakunataqa manami censapäkurqantsu.

48Tsayno mana censananpaqqa Tayta Diosmi Moisésta kayno nirqan:

49<

50Paykunataqa churanki Pactu Tolduta y tsaycho kaq manëjukunata shumaq rikananpaq. Maypa aywapäkuptikipis Sagrädu Tolduta, manëjunkunata paykunalami apapäkunqa. Tsaynöpis Sagrädu Toldu nawpalanpami jiruruypa toldunkunata sharkatsipäkunqa.

51Maypa aywapäkuptikipis paykunalami Sagrädu Tolduta paskarir apapäkunqa. Mayman chayapäkuptikipis Sagrädu Tolduta paykunalami sharkatsipäkunqa. Mayqanpis levita mana kaykar Sagrädu Tolduman witiq kaqqa wanunqami.

52Wakin trïbu Israel runakunaqa bandëran kashqan kaqchömi punta punta toldunkunata sharkatsipäkunqa.

53Levitakunaqa Pactu Toldu nawpankunapa jiruruq toldunkunata sharkatsipäkunqa. Tsaynöpami täpanqa pipis lutala mana yaykunanpaq. Lutala yaykuptin imaptinqa rabyashpämi Israel runakunata castigashaq>>.

54Moisésta Tayta Dios nishqannölami Israel runakunaqa lapanta rurapäkurqan.