1 Crónicas 29 - Quechua Margos-Yarowilca-Lauricocha Bible（qvm）

Templuta sharkatsinanpaq ofrendata churapäkushqan

1Tsaypitanami tsaycho juntaraykaq Israel runakunata rey David kayno nirqan: < wayinmi.

2Tsaymi sirvishqä Tayta Diospa templunta tsurï sharkatsinanpaq puëdishqäpita kamarishqä qorita, yoraq qellayta, broncita, fiërruta y qerukunatapis. Tsaynölami kamarishqä ónice rumikunata, tukuy casta kuyaylapaq rumikunata y tsaytsika marmoltapis.

3<

4Churashqä qoriqa kaykan pachak waranqa (100,000) kïlu Ofirpita alinnin kaq qorimi. Tsaynöpis churashqä yoraq qellaynami kaykan ishkay pachak kimsa chunka pusaq waranqa (230,000) kïlu. Tsay qellayqa kanqa templu perqata enchapatsinanpaqmi.

5Tsaynöpis tsay qoripita y yoraq qellaypitami yachaq runakuna templupa adornunkunata rurapäkunqa. Kananqa Tayta Diospa templunta sharkatsinantsipaq qamkunapis kashqanman tupu churapäkamuy, taytakuna>>.

6Tsayno niptinmi cada aylupa y cada trïbupa mandaqninkuna, waranqa (1,000) soldädukunapa capitanninkuna, pachak (100) soldädukunapa capitanninkuna y David arutsishqan runakunapa capatazninkunapis apamunanpaq kushishqa promitipäkurqan.

7Tsaymi templuta sharkatsinanpaq apapäkurqan pachak soqta chunka pitsqa waranqa (165,000) kïlu qorita, chunka waranqa (10,000) qoripita rurashqa qellayta, kimsa pachak kimsa chunka waranqa (330,000) kïlu yoraq qellayta, soqta pachak waranqa (600,000) kïlu broncita y kimsa millón kimsa pachak waranqa (3,300,000) kïlu fiërruta.

8Tsaynölami tesorëruta entregapäkurqan tsaytsika kuyaylapaq rumikunata. Tesorëruqa karqan Gersónpita miraq Jehielmi.

9 Tayta Diospa templunta sharkatsinanpaq lapan shonqunwan apapäkurmi runakuna pasaypa kushikärirqan. Tsaynölami rey Davidpis pasaypa kushikurqan.

Tayta Diosta David adorashqan

10Tsawraqa lapan runakunapa nawpancho Tayta Diosta adorar David kayno nirqan:

<<¡Israel yärakushqan Tayta Dios, imayyaqpis alabashqa kaykulay!

11 Tayta Dios, qamlami lapanpaq munayniyuq kaykanki.

Qam japalaykita pïmaypis alabaykuläshunki.

Lapan contraykikunatami vincinki.

Lapanpitapis mas respitashqami kaykanki.

Jana patsapis, kay patsapis y lapan imaykapis qampami kaykan.

Qampa makikichömi imaykapis kaykan.

Lapanpitapis mas munayniyuq kaptikimi qamta alabapäkü.

12<

Qam yanapaptikimi respitashqa karkaykan.

Qammi lapanta mandanki.

Kalpayuq kaypis y munayniyuq kaypis qampitami kaykan.

Respitädu kananpaq y munayniyuq kananpaqpis qammi runakunata yanapanki.

13Tayta Diosnilä, tsaypitami qamta agradëcikur kushishqa alabapäkü.

14<

Tsaymi noqapis ni mandashqä runakunapis mana merecïtsu apapäkamushqäkunata chaskimänaykipaq.

15Unay aylükuna qorpala kashqannömi noqakunapis kay patsacho qorpala karkaykä.

Lantuyno pasaqlami karkaykä.

16 Tayta Diosnilä, templuykita sharkatsinäpaq apamushqäkunapis qampita chaskishqalämi kaykan.

17<

Pipis munashqaykino kawaptinqa kushikunkimi.

Tsaymi noqapis templuykipaq lapan shonqüwan apamushqä.

Tsaynöpis kuyashqayki runakuna lapan shonqunwan apamushqanta rikar kushikümi.

18Unay aylükuna Abraham, Isaac y Israel yärakushqan Tayta Dios, noqakunata imaypis yanapaykalämay lapan shonqüwan qam munashqaykino kawapäkunäpaq.

19Tsurï Salomóntapis tantiyaykatsilay mandamientuykikunata, yachatsikuynikikunata y leynikikunata lapan shonqunwan imaypis cäsukunanpaq.

Kamaripashqäkunawan templuykita shumaq sharkatsinanpaq yanapaykulay>>.

20Tayta Diosta tsayno manakurirmi runakunata David kayno nirqan: < alabapäkuy>>.

Tsayno niptinmi unay aylunkuna yärakushqan Tayta Diospa nawpanman y reypa nawpanman lapan qonqurpakuykur alabapäkurqan.

Rey kananpaq Salomónta churapäkushqan

21Tsaypita jukaqnin junaqnami waranqa (1,000) turituta, waranqa carnikunata y waranqa carnishkunata pishtarkur rupatsina sacrificiukunata rupatsipäkurqan. Tsaynölami wakin sacrificiukunatapis rupatsir jananman vïnutapis winaparqan. Tsay sacrificiukunata lapan Israel runakunapa jutinchömi rupatsipäkurqan.

22Tsay junaqmi Tayta Diospa nawpancho kushishqa mikupäkurqan y upupäkurqan. Nirkurna Tayta Diospa nawpancho Davidpa tsurin Salomónpa umanman aceitita winaparqan rey kananpaq. Tsaywanqa ishkay kutinami rey kananpaq umanman aceitita winaparqan. Tsaynölami Sadoctapis mandaq cüra kananpaq aceitita winaparqan.

23Tsaynömi Salomónta Tayta Dios churarqan papänin Davidpa trukan

28David pasaypa awkinnami wanukurqan. Payqa karqan rïcu runa y pïmaypita respitashqami. Paypa trukannami tsurin Salomónna rey karqan.

29Rey David lapan rurashqankuna qalaykunanpita ushananyaqmi qelqaraykan profëta Samuel qelqashqancho, profëta Natán qelqashqancho y profëta Gad qelqashqancho.

30Tsaychömi qelqaraykan imano mandashqanpis, munayniyuq kashqanpis, ima pasashqankunapis, Israel nación imano kashqanpis y wakin nacionkuna imano kashqanpis.