Esdras 9 - Quechua Margos-Yarowilca-Lauricocha Bible（qvm）

Israel runakuna jutsa rurashqanpita Tayta Diosta Esdras manakushqan

1Tsaypitanami Israel runakunapa mandaqninkuna aywaykamur kayno nimarqan: < y wakin Israel mayintsikunapis tsay runakunawan talukashqa karkaykan. Tsay jäpa runakuna karkaykan cananeo runakuna, heteo runakuna, ferezeo runakuna, jebuseo runakuna, amonita runakuna, moabita runakuna, Egipto runakuna y amorreo runakuna.

2Paykunawan talukarmi kikinkunapis y tsurinkunapis paykunapa warmi tsurinkunawan tarkaykan. Tayta Dios kuyashqan santu runakuna kaykarmi jäpa runakunawan talukashqa karkaykan. Jutsata tsayno rurapäkunanpaqqa autoridäkuna y wakin mandaq mayïkunami yachatsipäkushqa>>.

3Tsayno wilaykamaptinmi fiyupa lakikur röpätapis rachirqä. Aqtsätapis y shaprätapis lukir usharqä.

4Babiloniapita Jerusalénman puntata shamuq runakuna tsayno jutsata rurashqanpitami Diosta cäsukuq Israel mayïkuna noqawan juntarqan. Tardi kaq sacrificiuta altarcho rupatsinan hörayaqmi lapanï pasaypa lakishqa qoyäpäkurqä.

5Tsay höra lakikuynï pasaptinnami röpäpis rachishqala qonqurpakuykur Tayta Diosta manakurqä kayno nir:

6<

7Unaypita patsami jutsata rurar kawapäkushqä. Jutsata rurapäkushqäno unay aylükunapis jutsata ruraptinmi mandaqnin reykunata y cürakunatapis fiyupa castigashqanki. Tsaymi jäpa nacionpa mandaqnin reykuna vincirkur munaynincho tsararpäkurqan. Tsay runakunami unay aylükunata pasaypa maqapäkurqan y markankunapitapis karuman apapäkurqan. Imaykankunatapis qechurkushpanmi manakaqman churapäkurqan. Paykunanölami kananyaqpis nakarkaykä.

8<

9Jäpa runakunapa munaynincho karkaykaptïpis manami kacharimashqankitsu. Noqakunata kuyapämaptikimi Persia nacionpa mandaqnin reykunapis kuyapämashqa. Qammi kalpata qomashqanki raqälan kaykaq templuykita altsapäkunäpaq. Judáchöpis y Jerusalénchöpis qammi chikimaqnïkunapita tsapämashqanki.

10<

11Tsay mandamientuykikunataqa sirvishuqniki profëtakunawanmi wilakatsimarqayki kayno nir: kaykan.

12Tsayno kaykaptinqa tsurikikunata paykunapa tsurinkunawan ama tätsinkitsu ni imachöpis ama yanapankitsu. Kay nishqäta cäsukurqa chakraykicho wayushqankunata mikur kushishqami kawapäkunkipaq. Tsaynölami chakraykikuna tsurikikunapaq imayyaqpis herencian kanqapaq>.

13<

14Tsayno kuyaykämaptikipis jutsasapa runakunapa warmi tsurinkunawan tashpä mandamientuykikunata yapay manakaqmanmi churapäkushqä. Tsayno rurapäkushqätaqa manami tantiyayta kamäpakütsu. Tsayno rurarkaykaptïqa rabyakushpayki juklachari lapanïta ushakätsimankiman karqan.

15< kuyapämarmi noqakunata yanapamashqanki walkaqlapis kaycho kanäpaq. Tsayno kaptinpis jutsayuqmi karkaykä. Manami merecipäkütsu nawpaykicho kanäpaqpis>>.