1¡Aleluya!
Lapan shonqüwanmi Tayta Diosta alabashaq.
2Kawashqäyaqqa Tayta Diostami imaypis alabashaq.
Shuntakamänanyaqmi salmukunata cantar alabashaq.
3Ama yärakushuntsu munayniyuq runakunamanqa.
Paykunaqa runala kar manami salvamäshunpaqtsu.
4Wanushpan alpamanmi tikranqa.
Yarpashqankunata manaraq rurarmi wanupäkunqa.
5Tayta Dios yanapashqan runami itsanqa kushishqa kawanqa.
Payqa Tayta Dioslamanmi imay hörapis yärakun.
6Tayta Diosmi jana patsata, kay patsata, lamarta y lapan tsaycho kaqkunatapis kamashqa.
Nishqantaqa imaypis cumplinmi.
7Nakaycho kawaq runakunata yanapanmi.
Yarqanaqkunatapis mikuyta kamaripanmi.
Prësu kaykaqkunatapis Tayta Dios jorqamunmi.
8Qaprakunapa nawintapis Tayta Dios aliyätsinmi.
Desanimashqa kaykaq runakunatapis Tayta Dios shakyätsinmi.
Pay munashqanno kawaqkunataqa Tayta Dios kuyanmi.
9Jäpa runakunatapis Tayta Dios tsapanmi.
Waktsakunatapis y viüdakunatapis yanapanmi.
Fiyu runakunatami itsanqa yarpashqanta mana rurananpaq tsapata churapan.
10 Sión, Tayta Diosmi imayyaqpis rey kanqa.
Mandamaqnintsi rey imayyaqpis kanqa.
¡Aleluya!
Who We AreWhat We EelieveWhat We Do
2025 by iamachristian.org,Inc All rights reserved.
