1Israel runakuna fiyupa nakar Tayta Diospa contran rimapäkuptinmi Tayta Dios pasaypa rabyakurqan. Tsaymi paypita nina shamur campamentu kuchuncho kaq toldukunata rupar usharqan.
2Runakuna pasaypa mantsakashpanmi yanapananpaq Moisésta ruwakurqan. Tsaymi paykunapaq Tayta Diosta Moisés manakuptin nina upirqan.
3Ninawan Tayta Dios rupatsishqanpitami tsay sitiupa jutinta churaparqan Tabera jutin kananpaq.
4Tsaypitami Israel runakunawan takukashqa aywaq jäpa runakuna Egiptucho ali ali mikuykunata mikushqanta yarpätsiparqan. Tsaymi Israel runakuna pasaypa aytsanar waqar kayno nipäkurqan: <<¡Pilaraq aytsata qaraykamashwan!
5Egiptuchöqa dembaldilami pescäduta mikupäkurqantsi. Tsaynöpis mikupäkurqantsi pepinuta, melonta, pöruta, ceböllata y äjustami.
6Kaychöqa manálata mikurmi pasaypa ajayashqana kaykantsi>>.
7(Manáqa karqan culandrupa murunno y jachapa weqin niraq qarwashlami.
8-9Cada tutami manáqa shulyano mashtaraykar warämuq. Tsaytami runakuna shuntarkur aqapäkuq o rumiwan takapäkuq. Wakinqa yanupäkuq y wakinnami tsaypita tantata rurapäkuq. Tsayno rurarkur mikuptinmi gustunpis karqan aceitiwan masarashqa tantano.)
10Israel runakuna wamrankunawan toldunkuna punkuncho waqapäkushqanta mayarmi Moiséspis y Tayta Diospis fiyupa rabyakurqan.
11Tsaymi Tayta Diosta Moisés kayno nirqan: < 12¡Manami paykunapa mamantsu ni taytantsu kä! ¿Imanirtaq nimashqanki chuchuykaq wamratano marqashqa apanäpaq? ¿Imanöparaq chayatsishaq Abrahamta, Isaacta y Jacobta promitishqayki nacionman? 13¿Maypitataq aytsata tarishaq tsaytsika runakuna mikunanpaq? Pasaypa aytsanarmi waqar kayno nipäkaman: 14Tsaytsika runakunata japalä manami pushayta kamäpakütsu. Kay runakuna pasaypami rabyanätsiman. 15Rasunpa kuyamarqa kayno nakatsimänaykipa trukanqa jukla shuntakalämay>>. 16Tsayno niptinmi Tayta Dios kayno nirqan: < 17Tsaymanmi noqa shamushaq qamwan parlanäpaq. Nirkurmi Israel runakunata pushäshishunaykipaq qamcho kaykaq Espïrituta paykunatapis aypushaq. Kananpitaqa mananami japalaykinatsu pushankipaq. 18< 19Aytsataqa manami juk junaqlatsu ni ishkay junaqlatsu ni pitsqa junaqlatsu ni chunka junaqlatsu ni ishkay chunka junaqlatsu mikupäkunqa. 20Tsaypa trukanqa juk killami melanashqanyaq mikupäkunqa. Paykunawan kaykaptïpis kayno nirmi waqapäkushqa: <¡Imapaqraq Egiptupita yarqamurqantsi!> Tsayno parlarmi manakaqman churapäkamashqa>>. 21Tsawraqa Moisés kayno nirqan: < 22¿Maychötaq uyshapis cabrapis y wäkapis kaytsika runa mikunanpaqqa kaykan? Lamarcho lapan pescädupis manami aypanqatsu>>. 23Tsayno niptinmi Tayta Dios kayno nirqan: <<¿Pasaypa munayniynaq kashqätaku yarpanki? Kananmi rikanki nishqäkunata cumplishqäta>>. 24Tsaypita aywarmi Moisésqa lapan runakunata wilarqan Tayta Dios nishqankunata. Nirkurmi qanchis chunka (70) mayor runakunata Tinkuna Tolduman qayatsirqan. 25Tsawraqa Tinkuna Toldu jananman pukutaycho urarkamur Moiséswan Tayta Dios parlarqan. Nirkur Moiséscho kaykaq Espïrituta qanchis chunka mayor runakunatapis aypurqan. Espïrituta chaskirkurnami profëtanöna parlapäkurqan. Tsaypita yapayqa mananami imaypis tsayno parlapäkurqannatsu. 26Qanchis chunka (70) mayor runakunata qayarmi Eldadta y Medadtapis Moisés qayarqan. Itsanqa Tinkuna Tolduman aywapäkunanpa trukanqa campamentulachömi täkärirqan. Paykunamanpis Espíritu chayaptinmi profëtanöna parlayta qalaykärirqan. 27Tsaymi juk mözu warakayla aywaykur Moisésta wilarqan kayno nir: < 28Tsayno wilaptinmi Moisésta Nunpa tsurin Josué kayno nirqan: <<¡Tsayno mana parlananpaq michay, tayta!>> Josuéqa Moiséspa yanapaqnin mözumi karqan. 29Tsayno niptinmi Moisés kayno nirqan: <<¿Imanirtaq noqala profëta kanäta munanki? ¡Alimi kanman lapan runakunapis profëta kananpaq Espïritunta Tayta Dios qoptin!>> 30Tsaypitanami Moiséspis y mayor runakunapis campamentunkunaman kutikärirqan. 31Nirkurnami lamarpita wayrata Tayta Dios wayrätsimurqan. Tsay wayrami tsaytsika codornizkunata patsalapa päriykaqta campamentu nawpankunaman apamurqan. Tsay codornizkunami campamentupita juk junaq aywayyaq karqan. 32Ishkay junaq y juk tsakaymi Israel runakuna tsaytsika codornizkunata tsaripäkurqan. Walkalata tsariqkunapis chunka muntuytami tsaripäkurqan. Nirkurna campamentu nawpankunapa majaykur tsakitsipäkurqan. jutin kananpaq. 35Kibrot-hataava partipita aywakärishpanmi Israel runakuna chayarqan Hazerot partiman. Tsaychömi campamentuta ruraykur patsakärirqan.
Who We AreWhat We EelieveWhat We Do
2025 by iamachristian.org,Inc All rights reserved.