1Imerpa tsurin Pasurqa cürami karqan. Paymi templuta täpaqkunapa mandaqnin karqan. Jerusalén runakunata y Judá runakunata Tayta Dios castigananpaq kashqanta Jeremías wilakushqanta mayarmi Pasurqa fiyupa rabyakurqan.
2Tsaymi profëta Jeremíasta maqarkatsir Benjamín jutiyuq punku waqtancho cëpuman sigurarqan. Tsay punku karqan templu yaykunachömi.
3Cëpucho juk junaq prësu wichqararkatsirmi Jeremíasta Pasur jorqutsirqan.
Tsawraqa Jeremías kayno nirqan: <
4Tayta Diosmi kayno nin: 5Kay markacho kaykaq riquëzakunata y Judá nacionpa mandaqnin reykunapa tesörunkunatapis tsay reytami entregashaq. Tsaymi imaykankunatapis väliq kaqtaqa soldädunkunawan Babiloniaman apakunqa. 6<< 7 Tayta Dios, ¡mana munaykaptïmi profëta kanäpaq churamashqanki! ¡Lapanpaq munayniyuq karmi obligamashqanki! Wilakuptïmi runakuna imaypis asipämashpan manakaqman churapäkaman. 8Wilakurmi imaypis kayno nï: <<¡Fiyupa nakaykunami kanqa! ¡Lapanmi ushakanqa!>> Tsayno wilakushqäta mana criyirmi runakuna tukuyta qayapäman. Waran waranmi manakaqman churapäkaman. 9Tsawraqa kaynömi nirqä: < Paypa jutinchöpis manami parlashaqnatsu>>. Tsayno niptïpis wilakuyniki shonqücho nina rupaykaqnömi rikakushqa. Tulüyaqmi tsay rupashqan chayaykushqa. Upälakuyta munarpis manami kamäpakütsu. 10Runakunaqa manakaqman churamarmi asipämänanpaq shapshapyaylapa rimar kayno nipäkun: <<¡Magor-misabib!>> Tsaynöpis lapan juntakaykurmi wilanakärin manakaqkunata jitapämänanpaq. Amïgükunapis munarkaykan penqaycho kanätami. Paykunaqa wilanakurkaykan imalatapis criyitsimar lutanta parlatsimänan kashqami. 11Tsayno kaptinpis pïmayta vinciq jatun soldädunömi Tayta Dios yanapaykäman. Conträ sharkuqkunaqa vincimayta manami kamäpakunqatsu. Kikinkuna mana ali rikashqa karmi fiyupa penqakärinqa. Tsaytami imayyaqpis runakuna yarparanqa. 12Lapanta mandaq Tayta Dios, ali runakunata probankimi. Runakuna imata yarpaykashqantapis musyankimi. Conträkuna mana alita yarpapäkushqanta musyaykarqa castigaykulay. Noqaqa qampa makikimanmi lapanta kachaykü. 13¡Tayta Diosta alabar cantashun! ¡Paymi fiyu runakunapa makinpita waktsakunata salvan! 14¡Yurishqä junaqpis maldicionashqa katsun! ¡Imapaqraq mamäpis wachamarqan! 15¡Papänïta kushikatsir yurishqäta wilaq runapis maldicionashqa katsun! 16Tsay wilaq runaqa katsun Tayta Dios mana kuyapaypa ushakätsishqan markakunano. Tutapapis mayatsun nanaywan qaparpaykaqta. Pulan junaqpapis mayatsun guërra kaptin qaparpaykaqta. 17¡Alimi kanman karqan mamäpa pachalancho kaykaptï wanutsimaptin! Mamäpa pachalan panteonnïpis kanman karqan. Tsayno kaptin manami imaypis yurïmantsu karqan. 18Tsayjinanpa nakar lakishqala kawanäpaq kaptinqa ¡imapaqraq yurirqäpis! Jamurpashqa kanaläpaq kaptinqa ¡imapaqraq atsikyay patsatapis rikarqä!
Who We AreWhat We EelieveWhat We Do
2025 by iamachristian.org,Inc All rights reserved.
