Job 12 - Quechua Margos-Yarowilca-Lauricocha Bible（qvm）

Job nishqan

1Tsayno niptinmi Job kayno nirqan:

2<<¡Achyä qamkunalanachaq yachaq kaykunkiqa!

¡Qamkuna wanuptikiqa pipis yachaq kanmannaraqku!

3Noqapis qamkunanölaqa tantiyämi.

Qamkuna nishqaykikunataqa pïmaypis musyanmi.

4<

Manakushqäta Tayta Dios mayamarqanmi.

Tsayno kaptinpis kananqa amïgükuna asipämanmi.

5Kikinkuna mana nakarmi nakaptï manakaqman churaman.

Shakyätsimänanpa trukanqa qayapämashpanmi jaqayätsiman.

6<

Tayta Diosta rabyanätsiqkunapis ¿imanirtaq mana mantsakuypa kawapäkun?

Paykunaqa yarpapäkun imano kawaptinpis Tayta Dios imaypis yanapashqantami.

7<

Paykunami wilashunki.

8Kay patsata y lamarcho pescädukunata tapukäriy.

Paykunami tantiyatsishunki.

9 Tayta Dios kamashqankuna ¿manaku lapan tantiyatsimantsi imaykapis paypitaraq kashqanta?

10Paypa makinchömi lapan kamashqankunapis kaykan.

Paypa munayninchömi lapan runakunapis kaykan.

11<12<

y awkin runakuna tantiyakuq kaptinpis

13Tayta Diosqa mas yachaq y munayniyuqmi kaykan.

Paypitami yachaytapis y tantiyakuytapis chaskintsi.

14Pay juchutsiptinqa manami pipis sharkatsiyta kamäpakuntsu.

Carcilman runata wichqaptinqa manami pipis jorquyta kamäpakuntsu.

15Pay mana tamyatsimuptinqa lapan qewapis tsakinmi.

Fiyupa tamyatsimuptinqa loqlapis aywanmi.

16Munayniyuqmi y tantiyakuqmi payqa kaykan.

Musyanmi pï engañakuq kashqanta y pï engañashqa kashqantapis.

17<

Juezkunatapis paymi upatakätsin.

18Reykunatapis rey kaykashqanpita jorqurmi liyashqata prësu apatsin.

19Cürakunatapis cüra kashqanpitami jorqun.

Autoridäkunatapis autoridä kashqanpitami jorqun.

20Shumaq yätsikuqkunatapis mana yätsinanpaqmi qonqaykatsin.

Mayor runakunapa yarpaynintapis upatakätsinmi.

21Respitashqa autoridäkunata manakaqman churapäkunanpaqmi kamakätsin.

Kalpayuqkunatapis kalpaynaq kananpaqmi kamakätsin.

22<

Paypaqqa yanawyaykaq tsakaypis junaqnömi kaykan.

23Paymi nacionkunata jatunyätsin y ushakätsin.

Runakunata maytsaypa qarqurkurpis yapaymi shuntan.

24Mandaqkunapa yarpayninkunatapis qonqaykatsinmi.

Nirkurmi chunyaq jirkacho pantakashqa purinanpaq kamakätsin.

25Tsaymi tsakaychöno tapra tapra puripäkun.

Shinkashqa runakunanömi tsanka tsanka puripäkun>>.