Job 34 - Quechua Margos-Yarowilca-Lauricocha Bible（qvm）

1Mastapis Eliú kayno nirqan:

2<

3Qalluntsiwan mikuypa gustunta mayashqantsinömi rinrintsiwan mayantsi alita o mana alita rimaykashqantapis.

Tsaynöpami tantiyantsi rasun kaqta parlashqanta o manakaqkunata parlashqantapis.

4Tsayno kaykaptinqa shumaq yarpachakushun Job nishqankuna ali kashqanta o mana ali kashqantapis.

5<

Tsayno kaykaptïpis Tayta Diosqa manami kuyapämantsu>.

6Tsaynöpis kaynömi nishqa:

Jutsata mana ruraykaptïmi Tayta Dios castigaykäman.

Tsay castigamashqanqa flëchawan tuksishqanömi nanaykäman>.

7<<¡Jobnöqa manami pipis lutanta parlantsu!

Payqa mana mantsakuypami Tayta Diosta manakaqman churan.

8Payqa fiyu runakunawan y jutsa ruraq runakunawanmi juntakan.

9Tsaynöpis kaynömi nimantsi: <¿Imapaqtaq Tayta Dios munashqanno kawashunpis?>

10<

Lapanpaq munayniyuq Tayta Diosqa manami imaypis lutankunata rurantsu.

11Jutsata rurashqanman tupumi pitapis castigan.

Tsaynölami alita rurashqanman tupu bendicionta churamun.

12Payqa manami imaypis lutanta rurantsu.

Manami manakaqkunata pitapis jitapantsu.

13<

Manami payno munayniyuq pipis kantsu.

14Almantsita jorqur jämayniynaqta kacharamaptintsiqa

15lapantsimi elaqpita wanur alpaman tikrashun.

16<

17Runa rurashqanman tupu mana juzgarqa kay patsatapis Tayta Dios manami munaynincho tsararanmantsu.

Ali mandaq kaykaptinqa ¿imanirtaq yarpanki munayniyuq Tayta Dios jananpaylapa pitapis juzgashqanta?

18Tayta Diosqa mana jananpaypami pitapis juzgan.

Tsaymi reykuna y autoridäkuna mana alita ruraptin paykunatapis castigan.

19Tayta Diosqa manami autoridäkunalapatsu favornin sharkun, sinöqa waktsakunapapis favorninmi sharkun.

Lapan runakunata kamashqa karmi waktsakunatapis rïcu runatano rikan.

20Pay castigaptinqa elaqpitami pulan paqaspis runa pasarpun.

Siksikyaykälarmi wanurpun.

Pipis mana wanuykätsiptinmi mandaqkunapis elaqpita wanupäkun.

21<

Payqa musyaykanmi imano kawashqantapis.

22Fiyu runakuna yanawyaykaqman pakakuptinpis Tayta Dios rikaykanmi.

23Manaraq juzgarpis maynami musyan imano kawashqanta.

24Munayniyuqkunata qarqur trukanta churananpaq manami pitapis tapukuntsu.

25<

Mana alita rurashqanta musyarmi tsakaypapis elaqpita ushakätsin.

26Lapan runakuna rikaykaptinmi suwatano castigan.

27Paykunaqa mana cäsukuq karmi Tayta Dios munashqanno kawapäkuntsu.

28Mana kuyapaypami waktsakunatapis nakatsipäkun.

Tsay waktsakuna manakushqanta mayarmi Tayta Dios yanapan.

29< ninman?

Pakakuptinpis ¿piraq tarinman?

Payqa lapan markakunata y runakunatami rikaykan.

30Tsayno rikaykan fiyu runakuna mandaq kayman mana yaykunanpaqmi.

Payqa manami munantsu kuyashqan runakunata lulapänanta.

31<

Lutankunata ama ruraynatsu.

32Tayta Diosta manakuy jutsaykikuna ima kashqantapis musyatsishunaykipaq.

Payta promitiy jutsata yapay mana ruranaykipaq.

33Tayta Diosta manakaqman churaykaptikiqa ¿munashqaykinötsuraq lapanta ruranman?

Nishqäkunata chaskikuy.

Mana chaskikurqa yarpashqaykikunata mä nimay.

34<

35Job mana tantiyakuypa lutanta rimashqanta tantiyakäriy.

36Manakaqkunata parlashqanpita Tayta Dios juzgatsun.

37Jobqa jutsata rurashqan jananmanmi Tayta Diospa contran rimashqa.

Noqantsitapis manakaqmanmi churamashqantsi.

Tayta Diostapis manakaqmanmi churashqa>>.