Isaías 48 - Quechua Margos-Yarowilca-Lauricocha Bible（qvm）

Israel runakuna mana cäsukuq kashqan

1Jacobpita miraq Israel runakuna, nishqäta mayapäkamay.

Qamkunaqa Tayta Diospa jutinchömi imatapis promitipäkunki.

Tsaynöpis nipäkunki kuyashuqniki Diosta sirvishqaykita.

Tsayno nirpis janan shonqulami paypa jutinta joqarirkaykanki.

2Qamkunaqa sagrädu Jerusaléncho tashqaykipitami kushikurkaykanki.

Tsaynöpis nirkaykanki kuyashuqniki Tayta Diosman yärakärishqaykitami.

Paypa jutinqa lapanta mandaq Yahwehmi kaykan.

3Tayta Diosmi kayno nin:

<

Wilakatsishqänölami lapanpis elaqpita pasashqa.

4Musyämi chukru shonqu kashqaykita, kunkaykipis fiërruno chukru kashqanta y urkuykipis broncino chukru kashqanta.

5Tsayno kaptikimi pasananpaq kaqkunata unayna wilakatsirqä.

Wilakatsishqäno pasaptinmi tantiyapäkunki takaypa y fundiypa ruratsishqayki ïdulukunaqa ima pasananpaq kaqtapis mana musyashqanta.

6Wilakatsishqäno kashqanta mayaykar y rikaykarqa ¿imanirtaq mana tantiyapäkunkitsu rasun kaqta niykashqäta?

<

Tsayqa mana musyashqayki kaqkunami kaykan.

7Tsaytaqa imaypis manami yarpapäkushqankitsu ni mayapäkushqankitsu.

Mayna musyashqaykitapis manami nipäkunkipaqtsu.

8Tsaytaqa manami imaypis mayapäkushqankiraqtsu.

Kananyaqpis tsaykunata manami musyapäkushqankiraqtsu.

<

Puyñu rinri karmi ïdulukunata adorar imaypis mana cäsukamashqankitsu.

9Tsayno kaptikipis adoramänayki raykumi rabyarpis awantakushqä.

Alabamänayki kashqami pacienciakur qamkunata mana ushakätsishqätsu.

10<

Hornucho tsulutsir qellaypa qanranta jorquqnömi jutsaykikunapita maylashqä.

11Juk dioskunata adoranaykipa trukan noqata adoramänaykipaqmi tsayno perdonashqä.

Noqa manami munätsu juk dioskunata adorar manakaqman churamänaykita>>.Kuyashqan runakunata salvananpaq Tayta Dios nishqan

12<

Qayashqä Israel runakuna, wiyapäkamay.

Noqa japalämi Dios kaykä.

Unaypita patsa imayyaqpis Diosmi kaykä.

13Makïwanmi kay patsata kamashqä.

Alawqa kaq maki paltäwanmi jana patsatapis tupushqä.

Jutinpa niptilämi lapanpis yurishqa.

14<

Persia nacionpa mandaqnin rey Cirutami akrashqä munashqäta rurananpaq.

Paymi yarpashqäno Babilonia nación runakunata ushakätsinqa.

Tsayta manami mayqan ïdulupis musyashqatsu ni wilakushqatsu.

15<

Tsaymi lapanta rurananpaq yanapashaq.

16Lapayki shapäkamuy tsay nishqäta mayanaykipaq.

Unaypita patsami tsayno kananpaq kaqta wilashqä.

Rikaraykaptïmi lapanpis nishqänöla kanqa>>.

Tayta Dios tsayno nishqanta wilakunäpaqmi Espïritunta noqaman kachamushqa.

17Salvashuqniki karmi Israel runakunapa santu Tayta Diosnin kayno nishunki:

< kaykä.

Noqami ali kaqkunata yachatsir munashqäno kawapäkunaykipaq ali nänipa pusharaykä.

18Mandamientükunata cäsukurqa jawkami kawapäkunkiman karqan.

Ali kawashqaykiqa mayu mana tsakiypa aywaqnömi kanman karqan.

Lamar qatinaylanpa pulchaqyashqan aywaqnömi alilata imaypis rurapäkunkiman karqan.

19Lamar kuchuncho aquyshanöraqmi qampita miraqkuna yupaytapis mana atipaypaq kanman karqan.

Manami imaypis qamkunata ushakätsïmantsu karqan.

Nawpäpitapis manami qarqümantsu karqan>>.

20¡Babiloniapita qeshpir aywakäriy!

¡Salvakushqaykita maytsaychöpis kushishqa wilakäriy!

Wilakur kayno nipäkuy:

<<¡Sirviqnin Jacobpita miraqkunata Tayta Diosmi salvashqa!

21Chunyaq jirkapa pushamuptinpis manami yakunarqantsu.

Mana yakunänanpaqmi qaqapita tsaytsika yakuta pashtatsimurqan>>.

22Itsanqa Tayta Dios kaynömi nin:

<>.